தினத்தந்தி புகார் பெட்டி

தஞ்சை மாவட்டம் பாபநாசத்தை அடுத்த கீழப்பாளையம் 2-வது வார்டு பகுதியில் நூற்றுக்கும் மேற்பட்ட குடும்பங்கள் வசித்து வருகின்றன. இந்த பகுதியில் உள்ள சாலை சேறும், சகதியுமாக காட்சி அளிக்கிறது.மேலும், மழைக்காலத்தில் சாலை முழுவதும் மழைநீர் குளம் போல் தேங்கி நிற்கிறது. இதனால், பொதுமக்கள், வாகன ஓட்டிகள் மட்டுமின்றி பள்ளி செல்லும் மாணவ-மாணவிகளும் மிகுந்த சிரமத்துக்கு ஆளாகி வருகின்றனர். அதுமட்டுமின்றி சாலையில் தேங்கும் மழைநீரில் கொசுக்கள் உற்பத்தி ஆகி சுகாதார சீர்கேடு ஏற்பட்டு நோய் தொற்று ஏற்படும் அபாயம் உள்ளது.எனவே, சம்பந்தப்பட்ட அதிகாரிகள் பொதுமக்கள் நலன் கருதி கீழப்பாளையம் 2-வது வார்டு பகுதியில் தார்சாலை அமைக்க நடவடிக்கை எடுக்க வேண்டும் என்பதே பொதுமக்களின் கோரிக்கையாகும்.

-பிரமேஸ்வரன், கீழப்பாளையம்.