பஸ்கள் வந்து செல்வதில் திடீர் மாற்றம்


பஸ்கள் வந்து செல்வதில் திடீர் மாற்றம்
x
தினத்தந்தி 3 Oct 2021 4:08 PM GMT (Updated: 3 Oct 2021 4:08 PM GMT)

போக்குவரத்து பாதிப்பை தடுக்க திருவண்ணாமலை பஸ் நிலையத்திற்குள் பஸ்கள் வந்து செல்வதில் சோதனை அடிப்படையில் போக்குவரத்து மாற்றம் செய்யப்பட்டது.

திருவண்ணாமலை

போக்குவரத்து பாதிப்பை தடுக்க திருவண்ணாமலை பஸ் நிலையத்திற்குள் பஸ்கள் வந்து செல்வதில் சோதனை அடிப்படையில் போக்குவரத்து மாற்றம் செய்யப்பட்டது.

போக்குவரத்து பாதிப்பு

திருவண்ணாமலை பஸ் நிலையத்தில் 2 நுழைவு வாயில்கள் உள்ளது.

 அனைத்து பஸ்களும் ஓரே நுழைவுவாயில் வழியாக உள்ளே வரும். வேலூர், சென்னை உள்ளிட்ட பகுதிகளுக்கு செல்லும் பஸ்கள் பயணிகளை ஏற்றிக் கொண்டு புறக்காவல்நிலையம் பகுதியில் உள்ள நுழைவு வாயில் வழியாக வெளியே செல்லும். 

அதேபோல் விழுப்புரம், திருக்கோவிலூர், கள்ளக்கிறிச்சி உள்ளிட்ட பகுதிகளுக்கு செல்லும் பஸ்கள் பஸ் நிலையம் அருகே உள்ள பி.எஸ்.என்.எல். அலுவலகம் வழியாக செல்லும் வழியாக வெளியே செல்லும். 

பஸ் நிலையத்தில் இருந்து வேலூர், சென்னை பஸ்கள் வெளியே வரும்போது அடிக்கடி போக்குவரத்து பாதிப்பு ஏற்படுகிறது.

இதனை கட்டுப்படுத்த திருவண்ணாமலை மாவட்ட போலீஸ் சூப்பிரண்டு பவன்குமார்ரெட்டி உத்தரவிட்டுள்ளார். 

அதன்படி இன்று திருவண்ணாமலை பஸ் நிலையத்தில் சோதனை அடிப்படையில் பஸ் நிலையத்திற்குள் பஸ்கள் வந்து செல்லும் பாதையில் மாற்றங்கள் செய்யப்பட்டுள்ளது. திருவண்ணாமலை போக்குவரத்து போலீஸ் இன்ஸ்பெக்டர் சுந்தரமூர்த்தி தலைமையிலான போலீசார் இந்த பணியில் ஈடுபட்டனர்.

பாதைகள் மாற்றம்

இந்த போக்குவரத்து மாற்றத்தின்படி விழுப்புரம், கள்ளக்குறிச்சி, திருக்கோவிலூர், தண்டராம்பட்டு, செங்கம் பகுதியில் இருந்து வரும் பஸ்கள் வழக்கமான பாதையில் உள்ளே வரும். வேலூர், வந்தவாசி,  ஆரணி பகுதிகளில் இருந்து வரும் பஸ்கள் புறக்காவல் நிலையம் அருகில் உள்ள நுழைவுவாயில் வழியாக உள்ளே வரும்.

பஸ்நிலையத்திற்குள் வரும் அனைத்து பஸ்களும் பயணிகளை ஏற்றிக்கொண்டு பி.எஸ்.என்.எல். அலுவலகம் உள்ள பாதை வழியாக வெளியே செல்லவேண்டும். வேலூர், ஆரணி பஸ்களும் இந்த வழியாக சென்று ரவுண்டானா சென்று திரும்பி வரவேண்டும்.  

இந்த போக்குவரத்து மாற்றம் இன்று நடைமுறை படுத்தப்பட்டது. இதனால் பஸ் நிலையத்திற்குள்ளும், வெளியேயும் போக்குவரத்து பாதிப்பு குறைக்கப்படும் என்று போலீசார் தெரிவித்தனர்.

Next Story