தி.மு.க. பிரமுகர் தற்கொலை விவகாரத்தில் மனைவி கைது

சென்னை ராயப்பேட்டை முகமது உசேன் தெருவை சேர்ந்தவர் வித்தியக்குமார் (வயது 34). தி.மு.க. பிரமுகரான இவருக்கும், அவருடைய மனைவி நிஷாவுக்கும் (32) திருமணமாகி 9 மாதங்களே ஆனநிலையில் இருவருக்கும் இடையே கருத்து வேறுபாடு காரணமாக பிரச்சினை ஏற்பட்டது. இது தொடர்பாக அனைத்து மகளிர் போலீஸ் நிலையத்தில் இரு தரப்பிலும் புகார் அளித்திருந்தனர். இதில் நிஷா தரப்பு அளித்த புகாரின் அடிப்படையில் போலீசார், வித்தியக்குமார் குடும்பத்தினரிடம் விசாரணை மேற்கொண்டனர். மேலும் வித்தியக்குமாரையும் போலீசார் விசாரணைக்கு அழைத்ததாக கூறப்படுகிறது. இதனால் மனமுடைந்து காணப்பட்ட வித்தியக்குமார், கடந்த 4-ந்தேதி தூக்குப்போட்டு தற்கொலை செய்துகொண்டார்.