கார்கள் மோதல்; ெபண் பலி

ஸ்ரீவில்லிபுத்தூர்

விருதுநகரை சேர்ந்தவர் ராமகிருஷ்ணன்(வயது 62), அவரது மனைவி சொக்கம்மாள்(56) மற்றும் உறவினர்கள் என 4 பேர் விருதுநகரில் இருந்து ஸ்ரீவில்லிபுத்தூருக்கு கார் மூலம் நேற்று வந்தனர். ஸ்ரீவில்லிபுத்தூரில் உள்ள கோவிலில் சாமி தரிசனம் செய்துவிட்டு மீண்டும் விருதுநகர் செல்ல ஸ்ரீவில்லிபுத்தூர்-மதுரை தேசிய நெடுஞ்சாலையில் சென்று கொண்டிருந்தனர். அப்போது அந்த வழியாக மற்றொரு கார் கிருஷ்ணன்கோவில் நோக்கி வந்து கொண்டிருந்தது. அந்த காரில் முத்துசக்தி விநாயகம்(45), மஞ்சு(40), சக்திகார்த்திகேயன்(12) உள்பட 5 ேபர் இருந்தனர். இந்த 2 காரும் நத்தம்பட்டி அருகே வரும்போது மோதியதில் 2 காரிலும் இருந்த 9 பேரும் படுகாயம் அடைந்தனர். இதில் ஸ்ரீவில்லிபுத்தூர் அரசு மருத்துவமனையில் சேர்க்கப்பட்ட சொக்கம்மாள் பரிதாபமாக இறந்தார். காயமடைந்த மற்றவர்கள் மதுரை அரசு மருத்துவமனையில் சேர்க்கப்பட்டனர். இந்த விபத்தினால் அந்த பகுதியில் போக்குவரத்து பாதிக்கப்பட்டது. விபத்து குறித்து நத்தம்பட்டி போலீசார் விசாரணை நடத்தி வருகின்றனர்.