<
கேரளாவுக்கு கடத்த முயன்ற ஒரு டன் ரேஷன் அரிசி பறிமுதல்
கேரளாவுக்கு கடத்த முயன்ற ஒரு டன் ரேஷன் அரிசி பறிமுதல்
பொள்ளாச்சி
கேரளாவுக்கு கடத்த முயன்ற ஒரு டன் ரேஷன் அரிசி பறிமுதல் செய்யப்பட்டது. இதுதொடர்பாக உணவு கடத்தல் தடுப்பு பிரிவு போலீசார் விசாரணை நடத்தி வருகின்றனர்.
ரேஷன் அரிசி
பொள்ளாச்சியை அடுத்த ஜமீன்ஊத்துக்குளி பி.ஏ.பி.ரோடு பகுதிகளில் இருந்து ரேஷன் அரிசி கடத்துவதாக உணவு கடத்தல் தடுப்பு பிரிவு போலீசாருக்கு ரகசிய தகவல் கிடைத்தது. இந்த தகவலின் பேரில் இன்ஸ்பெக்டர் சாந்தி மற்றும் போலீசார் அங்கு சென்று சோதனை மேற்கொண்டனர்.
அப்போது ஒரு வீட்டின் முன் மூட்டை, மூட்டையாக ரேஷன் அரிசி இருப்பது தெரியவந்தது. இதுகுறித்து போலீசார் அக்கம், பக்கத்தில் விசாரணை மேற்கொண்டனர்.
விசாரணையில் பொதுமக்களிடம் இருந்து ரேஷன் அரிசியை குறைந்த விலைக்கு வாங்கி, அதை கேரளாவில் அதிக விலைக்கு விற்பனை செய்வதற்கு சேகரித்தது தெரியவந்தது.
மேலும் சேகரித்த ரேஷன் அரிசியை கடத்தி செல்வதற்கு மூட்டைகளை தயார் நிலையில் வைத்திருந்ததும் தெரியவந்தது. இதற்கிடையில் போலீசார் வருவதை பார்த்ததும் கடத்தல்காரர்கள் அங்கிருந்து தப்பி சென்றனர்.
போலீசார் விசாரணை
இந்த நிலையில் போலீசார் கடத்தல்காரர்கள் குறித்து பொதுமக்களிடம் விசாரணை நடத்தியதில் எந்த தகவலும் கிடைக்கவில்லை. இதையடுத்து போலீசார் அந்த பகுதியில் உள்ள வீடுகள், வீதிகளில் சோதனை மேற்கொண்டனர்.
மேலும் கண்காணிப்பு கேமரா பதிவுகளை கொண்டு கடத்தல்காரர்கள் குறித்து விசாரணை நடத்தப்பட்டு வருகிறது. இதையடுத்து சுமார் 22 மூட்டைகளில் இருந்த ஒரு டன் ரேஷன் அரிசியை போலீசார் பறிமுதல் செய்து, உணவு கடத்தல் தடுப்பு பிரிவு போலீஸ் நிலையத்திற்கு கொண்டு சென்றனர்.
Related Tags :
Next Story
"Daily Thanthi" a prestigious product from The Thanthi Trust
எங்களைப்பற்றி தனித்தன்மை பாதுகாப்பு தொடர்புகொள்ள வலைத்தள தொகுப்பு ஆலோசனைகள் வேலைவாய்ப்பு
Paper Ad Tariff Web Ad Tariff Terms & Conditions (E-paper)
காப்புரிமை 2024, © The Thanthi Trust Powered by Hocalwire
