கும்மிடிப்பூண்டி அருகே பொக்லைன் எந்திரம் மோதி லாரி டிரைவர் சாவு

நாகை மாவட்டம் மயிலாடுதுறையை அடுத்த சித்தார்காடு கிராமத்தை சேர்ந்தவர் மகேந்திரன் (வயது 43), லாரி டிரைவர். இவர் நெய்வேலியில் இருந்து லாரியில் நிலக்கரி ஏற்றிக்கொண்டு கும்மிடிப்பூண்டி அடுத்த ஈகுவார்பாளையம் அருகே உள்ள சித்தூர் நத்தம் கிராமத்தில் உள்ள தனியார் மின் உற்பத்தி தொழிற்சாலைக்கு வந்தார்.நேற்று காலை சேமிப்பு குடோனில் நிலக்கரியை இறக்கி கொண்டிருந்தபோது, லாரியை விட்டு மகேந்திரன் இறங்கி கீழே நின்று கொண்டிருந்தார். அங்கு நிலக்கரியை ஒழுங்குபடுத்த பயன்படுத்தப்பட்ட பொக்லைன் எந்திரம் அவர் மீது மோதியதாக கூறப்படுகிறது.