<
பொள்ளாச்சி கடைவீதியில் பொதுமக்கள் கூட்டம் அலைமோதியது
பொள்ளாச்சி கடைவீதியில் பொதுமக்கள் கூட்டம் அலைமோதியது
பொள்ளாச்சி
தீபாவளி பண்டிகையையொட்டி பொள்ளாச்சி கடைவீதியில் பொதுமக்கள் கூட்டம் அலைமோதியது. இதனால் போலீசார் தீவிர கண்காணிப்பு பணியில் ஈடுபட்டு வருகிறார்கள்.
பொதுமக்கள் கூட்டம்
தீபாவளி பண்டிகை வியாழக்கிழமை கொண்டாடப் படுகிறது. இதையொட்டி பொதுமக்கள் புத்தாடைகள் எடுக்க வும், நகை மற்றும் இனிப்பு உள்பட பல்வேறு பொருட்கள் வாங்க கடைகளுக்கு செல்கின்றனர்.
இதனால் பொள்ளாச்சி கடைவீதி மற்றும் பஸ் நிலையங்களில் பொதுமக்கள் கூட்டம் அலைமோதுவதால் களைகட்டுகிறது. .
இதன் காரணமாக கடை வீதியில் இருசக்கர மற்றும் 4 சச்கர வாகனங்கள் செல்வதற்கு தடை விதிக்கப்பட்டு உள்ளது. கடை வீதிக்கு செல்லும் சாலைகளின் சந்திப்புகளில் போலீசார் பாதுகாப்பு பணியில் ஈடுபட்டு வருகின்றனர். அந்த வழியாக வரும் வாகனங்கள் மாற்றுப்பாதையில் திருப்பி விடப்படுகிறது.
போலீசார் கண்காணிப்பு
பொதுமக்கள் கூட்டநெரிசலை பயன்படுத்தி மர்ம ஆசாமிகள் திருட்டு செயல்களில் ஈடுபடகூடும் என்பதால் குற்ற பிரிவு போலீசார் சாதாரண உடையில் ரோந்து பணியில் ஈடுபட்டு வருகின்றனர். இதுகுறித்து போலீஸ் அதிகாரிகள் கூறியதாவது:-
பொள்ளாச்சியில் உள்ள மெட்ராஸ் ரோடு சந்திப்பு, கடைவீதி ஆகிய இடங்களில் கண்காணிப்பு கோபுரங்கள் அமைக்கப்பட்டு உள்ளது. இங்கிருந்து போலீசார் பொதுமக்கள் மற்றும் மர்ம நபர்கள் நடமாட்டத்தை கண்காணித்து வருகின்றனர்.
விழிப்புணர்வு
மேலும் குற்றப்பிரிவு போலீஸ் சப்-இன்ஸ்பெக்டர் தலைமையில் 6 போலீசார் சாதாரண உடையில் ரோந்து பணி மேற்கொள்ளப் படுகிறது. இதை தவிர ஒலிப்பெருக்கி மூலம் பொதுமக்களுக்கு குற்றச் செயல்கள் மற்றும் கொரோனா குறித்து விழிப்புணர்வு ஏற்படுத்தப்பட்டு வருகிறது.
இதற்கிடையில் உள்ளூர் மற்றும் வெளியூரை சேர்ந்த பழைய குற்றவாளிகளின் நடமாட்டமும் கண்காணிக்கப்படுகிறது. மேலும் கண்காணிப்பு கேமராக்கள் மூலம் மர்ம நபர்களை கண்காணித்து வருகிறோம்.
இவ்வாறு அவர்கள் கூறினார்கள்.
Related Tags :
Next Story
"Daily Thanthi" a prestigious product from The Thanthi Trust
எங்களைப்பற்றி தனித்தன்மை பாதுகாப்பு தொடர்புகொள்ள வலைத்தள தொகுப்பு ஆலோசனைகள் வேலைவாய்ப்பு
Paper Ad Tariff Web Ad Tariff Terms & Conditions (E-paper)
காப்புரிமை 2024, © The Thanthi Trust Powered by Hocalwire
