குண்டர் சட்டத்தில் வாலிபர் கைது

போடி: 

போடி அருகே உள்ள அணைக்கரப்பட்டியை சேர்ந்தவர் நல்லதம்பி (வயது 26). கடந்த சில தினங்களுக்கு முன்பு உறவினர் முருகனை அரிவாளால் வெட்ட முயன்ற வழக்கில் இவரை, போலீசார் கைது செய்து சிறையில் அடைத்தனர். இவர் மீது வழிப்பறி, திருட்டு உள்ளிட்ட பல்வேறு வழக்குகள் உள்ளது.

 இதையடுத்து அவரை குண்டர் தடுப்பு சட்டத்தில் கைது செய்ய மாவட்ட கலெக்டர் முரளிதரனுக்கு, போலீஸ் சூப்பிரண்டு பிரவீன் உமேஷ் டோங்கரே பரிந்துரை செய்தார். அதன்பேரில் நல்லதம்பியை குண்டர் தடுப்பு சட்டத்தில் கைது செய்ய கலெக்டர் உத்தரவிட்டார். இதையடுத்து ஆண்டிப்பட்டி சிறையில் இருந்த நல்லதம்பியை குண்டர் சட்டத்தில் கைது செய்து போலீசார் மதுரை மத்திய சிறையில் அடைத்தனர்.