கோவை

கோவையில் நேற்றுமுன்தினம் 106 பேருக்கு கொரோனா தொற்று ஏற்பட்டது. இந்த நிலையில் சுகாதார துறையினர் வெளியிட்ட பட்டியல் படி கோவையில் நேற்று 109 பேருக்கு கொரோனா தொற்று உறுதி செய்யப்பட்டது. இதன் மூலம் இதுவரை 2 லட்சத்து 50 ஆயிரத்து 179 பேருக்கு கொரோனா பாதிப்பு ஏற்பட்டு உள்ளது. கோவை அரசு மற்றும் தனியார் மருத்துவமனையில் சிகிச்சை பெற்று வந்த 109 பேர் குணமடைந்து வீடு திரும்பினர். 

இதன் மூலம் இதுவரை 2 லட்சத்து 46 ஆயிரத்து 482 பேர் குணமடைந்து உள்ளனர். கோவை தனியார் மருத்துவமனையில் கொரோனா தொற்றுக்கு சிகிச்சை பெற்று வந்த 70 வயது முதியவர் சிகிச்சை பலனின்றி உயிரிழந்தார். மாவட்டத்தில் இதுவரை கொரோனா தொற்றுக்கு 2 ஆயிரத்து 464 பேர் உயிரிழந்து உள்ளனர். தற்போது 1,233 பேர் சிகிச்சையில் உள்ளனர்.