தினத்தந்தி புகார் பெட்டி

  தஞ்சை மருத்துவக்கல்லூரி சாலை அண்ணாமலைநகர் 2-வது குறுக்கு தெருவில் ரெயில்வே கீழ் பாலம் ஒன்று உள்ளது. இந்தப் பாலத்தை சுற்றி செடி, கொடிகள் வளர்ந்து புதர் மண்டி காடுபோல் காட்சியளிக்கிறது. குறிப்பாக கீழ் பாலத்தில் கழிவுநீர் தேங்கி அந்த பகுதி முழுவதும் துர்நாற்றம் வீசுகிறது. இதன் காரணமாக ரெயில்வே கீழ் பாலத்தை பொதுமக்கள் மற்றும் வாகன ஓட்டிகள் பயன்படுத்த முடியாத சூழல் ஏற்பட்டுள்ளது. இதனால் அந்தப் பகுதியில் உள்ள பொதுமக்கள் மாற்றுப்பாதையில் செல்ல வேண்டிய சூழல் ஏற்படுகிறது. எனவே சம்பந்தப்பட்ட அதிகாரிகள் பொதுமக்கள் மற்றும் வாகன ஓட்டிகளின் நலன் கருதி மேற்கண்ட பகுதியில் உள்ள ரெயில்வே கீழ் பாலத்தை சீரமைத்து தர நடவடிக்கை எடுப்பார்களா?

-அண்ணாமலைநகர் பகுதிமக்கள், தஞ்சை.