கரூர் மாநகராட்சி 48 வார்டுகளுக்கான வேட்புமனுத்தாக்கல் கரூர் மாநகராட்சி அலுவலகத்தில் இன்று (வெள்ளிக்கிழமை) நடைபெறுகிறது. இதையொட்டி கரூர் மாநகராட்சி அலுவலகத்தில் எடுக்கப்பட்டுள்ள பாதுகாப்பு நடவடிக்கைகள் குறித்து மாவட்ட போலீஸ் சூப்பிரண்டு சுந்தரவடிவேல் நேரில் பார்வையிட்டு ஆய்வு செய்தார். 

கரூர் மாநகராட்சியில் உள்ள 48 வார்டுகளில் 8 வார்டுகளுக்கு ஒரு உதவி தேர்தல் நடத்தும் அலுவலர் என்ற அடிப்படையில் 6 பேர் நியமிக்கப்பட்டுள்ளனர். இதற்காக ஏற்படுத்தப்பட்டுள்ள 6 அறைகள் மற்றும் மாநகராட்சி அலுவலகத்தில் இருந்து 100 மீட்டர் தொலைவில் வேட்பாளர்கள் மற்றும் முன்மொழிபவர்கள் தவிர மற்றவர்கள் உள்ளே வருவதை தடுக்கும் வகையில் தடுப்புகள் அமைப்பது குறித்த பாதுகாப்பு நடவடிக்கைகளை போலீஸ் சூப்பிரண்டு ஆய்வு செய்தார். அப்போது மாநகராட்சி ஆணையர் ரவிச்சந்திரன் உள்ளிட்ட அதிகாரிகள் உடன் இருந்தனர்.