புதுக்கோட்டையில் 2,48,964 பேர் வாக்களிக்க உள்ளனர்

புதுக்கோட்டை மாவட்டத்தில் புதுக்கோட்டை நகராட்சியில் 42 வார்டுகளில் கவுன்சிலர் பதவிக்கும், அறந்தாங்கி நகராட்சியில் 27 வார்டுகளில் கவுன்சிலர் பதவிக்கும் வருகிற 19-ந் தேதி உள்ளாட்சி தேர்தல் நடைபெறுகிறது. இதேபோல் அன்னவாசல், ஆலங்குடி, அரிமளம், இலுப்பூர், கீரனூர், கீரமங்கலம், பொன்னமராவதி, கறம்பக்குடி ஆகிய 8 பேரூராட்சிகளில் தலா 15 வார்டு உறுப்பினர்களுக்கும் தேர்தல் நடக்கிறது.

புதுக்கோட்டை நகராட்சியில் மொத்தமுள்ள 42 வார்டுகளில் ஆதி திராவிடர் (பொது) பிரிவுக்கு 2 வார்டுகளும், ஆதி திராவிடர் (பெண்கள்) பிரிவுக்கு 3 வார்டுகளும், பெண் (பொது) பிரிவுக்கு 18 வார்டுகளும் என மொத்தம் 23 வார்டுகள் ஒதுக்கீடு செய்யப்பட்டுள்ளன. மீதமுள்ள 19 வார்டுகள் பொதுப்பிரிவினருக்கு ஒதுக்கீடு செய்யப்பட்டுள்ளது. அறந்தாங்கி நகராட்சியில் மொத்தமுள்ள 27 வார்டுகளில், ஆதி திராவிடர் (பொது) பிரிவுக்கு 1 வார்டும், ஆதி திராவிடார் (பெண்கள்) பிரிவுக்கு 1 வார்டும், பெண்கள் (பொது) பிரிவுக்கு 13 வார்டுகளும் என மொத்தம் 15 வார்டுகள் ஒதுக்கீடு செய்யப்பட்டுள்ளன. மீதமுள்ள 12 வார்டுகள் பொதுப்பிரிவினருக்கு ஒதுக்கீடு செய்யப்பட்டுள்ளது. 8 பேரூராட்சிகளில் உள்ள 120 வார்டுகளில் ஆதி திராவிடர் (பெண்கள்) பிரிவுக்கு 11 வார்டுகளும், ஆதி திராவிடர் (பொது) பிரிவுக்கு 6 வார்டுகளும், பெண்கள் (பொது) பிரிவுக்கு 53 வார்டுகளும் என மொத்தம் 70 வார்டுகள் ஒதுக்கீடு செய்யப்பட்டுள்ளன. மீதமுள்ள 50 வார்டுகள் பொதுப்பிரிவினருக்கு ஒதுக்கீடு செய்யப்பட்டுள்ளது.

புதுக்கோட்டை நகராட்சியில் 63,739 ஆண் வாக்காளர்களும், 68,472 பெண் வாக்காளர்களும், 17 இதர வாக்காளர்களும் என மொத்தம் 1 லட்சத்து 32 ஆயிரத்து 228 வாக்காளர்கள் உள்ளனர். அறந்தாங்கி  நகராட்சியில் 17,090 ஆண் வாக்காளர்களும், 18,601 பெண் வாக்காளர்களும், 2 இதர வாக்காளர்கள் என மொத்தம் 35,693 வாக்காளர்கள் உள்ளனர். 8 பேரூராட்சிகளில் 39,663 ஆண் வாக்காளர்களும், 41,377 பெண் வாக்காளர்களும், 3 இதர வாக்காளர்கள் என மொத்தம் 81,043 வாக்காளர்கள் உள்ளனர்.

மாவட்டத்தில் உள்ள 10 நகர்ப்புற உள்ளாட்சிகளிலும் 1 லட்சத்து 20 ஆயிரத்து 492 ஆண் வாக்காளர்களும், 1 லட்சத்து 28 ஆயிரத்து 450 பெண் வாக்காளர்களும், 22 இதர வாக்காளர்கள் என மொத்தம் 2 லட்சத்து 48 ஆயிரத்து 964 வாக்காளர்கள் உள்ளனர். இவர்கள் எதிர்வரும் நகர்ப்புற உள்ளாட்சி தேர்தலில் வாக்களிக்க உள்ளனர்.