<
கோவை அறிவொளி நகரில் 5 வயது சிறுவனை அடித்து கொடுமைப் படுத்திய வீடியோ வைரல் ஆனதால் அவருடைய தந்தை கைது செய்யப்பட்டார்
கோவை அறிவொளி நகரில் 5 வயது சிறுவனை அடித்து கொடுமைப் படுத்திய வீடியோ வைரல் ஆனதால் அவருடைய தந்தை கைது செய்யப்பட்டார்
கோவை
கோவை அறிவொளி நகரில் 5 வயது சிறுவனை அடித்து கொடுமைப் படுத்திய வீடியோ வைரல் ஆனதால் அவருடைய தந்தை கைது செய்யப்பட்டார்.
சிறுவனை அடித்து கொடுமை
கோவை மதுக்கரை அறிவொளிநகரை சேர்ந்தவர் சாதிக் பாஷா (32) இவருடைய மனைவி ரெஜினா பானு. இவர்களுக்கு கடந்த 9 ஆண்டுக ளுக்கு முன்பு திருமணமாகி 2 மகன்கள் உள்ளனர்.
இந்நிலையில் கருத்து வேறுபாடு காரணமாக கடந்த 2 ஆண்டுகளாக கணவன்- மனைவி இருவரும் பிரிந்து வாழ்ந்து வருகின்றனர்.
இதில் மூத்த மகன் ரெஜினா பானுவுடனும், இளைய மகன் சாதிக் பாஷாவுடனும் வசிக்கின்றனர். 5 வயது மகனை, சாதிக் பாஷா கொடூரமாக தாக்கும் வீடியோ சமூக வலைதளத்தில் வைரலானது.
தந்தை கைது
இதை அறிந்த மதுக்கரை போலீசார் வழக்கு பதிவு செய்து விசாரணை நடத்தி சாதிக் பாஷாவை கைது செய்தனர்.
அவரிடம் நடத்திய விசார ணையில் தனது மனைவியுடன் சேர்ந்து வாழ விரும்பியதாகவும், ஆனால் அவர் செல்போனில் தொடர்பு கொண்டபோது எடுக்க வில்லை.
இதற்கிடையே தாய் ரெஜினா பானுவை சந்தித்ததால் ஆத்திரம் அடைந்து 5 வயது மகனை சாதிக்பாஷா தாக்கியதாக கூறி உள்ளார்.
மேலும் சிறுவனை கொடூரமாக தாக்கி அதை வீடியோ எடுத்த சாதிக் பாஷா தனது மனைவிக்கு அனுப்பியதும் தெரிய வந்தது.
கைதான சாதிக் பாஷா கோர்ட்டில் ஆஜர்படுத்தப்பட்டு சிறையில் அடைக்கப் பட்டார். இதனால் வீட்டில் தனியாக இருந்த சிறுவன் தாயிடம் ஒப்படைக்கப்பட்டான்.
வீடியோ பதிவு
இது குறித்து அந்த பகுதி மக்கள் கூறுகையில், சாதிக் பாஷா அடிக்கடி மது போதையில் வந்து மகனை கொடூரமாக தாக்கி வருவதாகவும்,
சிறு வனை காப்பாற்ற வேண்டும் என்ற நோக்கத்தில் செல்போனில் வீடியோ எடுத்து சமூக வலைத்தளத்தில் பதிவிட்டதாகவும் தெரிவித்தனர்.
சிறுவனை கொடூரமாக தாக்கிய தந்தை கைதான சம்பவம் கோவையில் பரபரப்பை ஏற்படுத்தி உள்ளது.
Related Tags :
Next Story
"Daily Thanthi" a prestigious product from The Thanthi Trust
எங்களைப்பற்றி தனித்தன்மை பாதுகாப்பு தொடர்புகொள்ள வலைத்தள தொகுப்பு ஆலோசனைகள் வேலைவாய்ப்பு
Paper Ad Tariff Web Ad Tariff Terms & Conditions (E-paper)
காப்புரிமை 2024, © The Thanthi Trust Powered by Hocalwire
