நீடாமங்கலத்தில் இருந்து ஈரோடு, கோவைக்கு அரவைக்காக 2 ஆயிரம் டன் நெல்

நீடாமங்கலம்,

திருவாரூர் மாவட்டம் நீடாமங்கலத்தில் இருந்து ஈரோடு மற்றும் கோவைக்கு தலா ஆயிரம் டன் வீதம் 2 ஆயிரம் டன் நெல் அனுப்பி வைக்கும் பணி நேற்று நடந்தது. இதையொட்டி மன்னார்குடி, நீடாமங்கலம், கூத்தாநல்லூர் ஆகிய தாலுகாக்களில் இயங்கி வரும் அரசு நேரடி நெல் கொள்முதல் நிலையங்களில் இருந்து கொள்முதல் செய்யப்பட்ட 2 ஆயிரம் டன் நெல் 158 லாரிகளில் நீடாமங்கலம் ரெயில் நிலையத்துக்கு கொண்டு வரப்பட்டது. இதையடுத்து சுமைதூக்கும் தொழிலாளர்கள் நெல் மூட்டைகளை சரக்கு ரெயிலின் 42 பெட்டிகளில் அடுக்கி வைத்தனர். இதனைத்தொடர்ந்து நெல் அரவைக்காக ஈரோடு மற்றும் கோவைக்கு அனுப்பி வைக்கப்பட்டது.