<
தலையில் கல்லை போட்டு ஓட்டல் தொழிலாளி கொலை
திருமங்கலத்தில் தலையில் கல்லை போட்டு ஓட்டல் தொழிலாளி கொலை செய்யப்பட்டார்.
திருமங்கலம்,
திருமங்கலத்தில் தலையில் கல்லை போட்டு ஓட்டல் தொழிலாளி கொலை செய்யப்பட்டார்.
ஓட்டல் தொழிலாளி
மதுரை மாவட்டம் திருமங்கலம் ரெயில்வே லைன் தெருவைச் சேர்ந்தவர் சிக்கந்தர்கனி(வயது 52). இவர் அந்தப் பகுதியில் உள்ள ஒரு ஓட்டலில் தொழிலாளியாக வேலை பார்த்து வந்தார். இவருக்கு ஆஸ்மா பேகம் என்ற மனைவியும், 2 மகள்கள், ஒரு மகன் உள்ளனர்.
நேற்று முன்தினம் காலை சிக்கந்தர்கனி வீட்டில் இருந்து வெளியே புறப்பட்டுச் சென்றார். அதன் பிறகு அவர் வீடு திரும்பவில்லை. இந்த நிலையில் நேற்று காலை திருமங்கலம் குண்டாறு பாலத்திற்கு கீழே உள்ள காளியம்மன் கோவில் அருகே சிக்கந்தர்கனி பிணமாக கிடந்தார். அந்த வழியாகச் சென்றவர்கள் இதை பார்த்து திருமங்கலம் நகர் போலீஸ் நிலையத்திற்கு தகவல் தெரிவித்தனர்.
தலையில் கல்லை போட்டு...
திருமங்கலம் போலீஸ் துணை சூப்பிரண்டு தலைமையிலான போலீசார் சம்பவ இடத்திற்கு விரைந்து சென்று உடலை கைப்பற்றி விசாரணை நடத்தினர்.
விசாரணையில் சிக்கந்தர்கனி தலையில் கல்லை போட்டு கொலை செய்து இருப்பது தெரியவந்தது. மோப்பநாய், தடயவியல் நிபுணர்கள் வரவழைக்கப்பட்டு சம்பவ இடத்தில் போலீசார் ஆய்வு செய்தனர்.
இது குறித்து தகவல் அறிந்ததும் மாவட்ட போலீஸ் சூப்பிரண்டு பாஸ்கரன் நேரில் வந்து பார்வையிட்டு விசாரணை நடத்தினார்.
இது குறித்த புகாரின் பேரில் திருமங்கலம் நகர் போலீசார் வழக்குப்பதிவு செய்து கொலையாளிகள் யார்? என விசாரணை நடத்தி வருகின்றனர்.
Related Tags :
Next Story
"Daily Thanthi" a prestigious product from The Thanthi Trust
எங்களைப்பற்றி தனித்தன்மை பாதுகாப்பு தொடர்புகொள்ள வலைத்தள தொகுப்பு ஆலோசனைகள் வேலைவாய்ப்பு
Paper Ad Tariff Web Ad Tariff Terms & Conditions (E-paper)
காப்புரிமை 2024, © The Thanthi Trust Powered by Hocalwire
