<
கோவில்பாளையம் இரும்பு கடையில் செல்போன் திருடிய அண்ணன் தம்பி கைது
கோவில்பாளையம் இரும்பு கடையில் செல்போன் திருடிய அண்ணன் தம்பி கைது செய்யப்பட்டனர்.
கிணத்துக்கடவு
கிணத்துக்கடவு அருகே உள்ள கோவில்பாளையம், சேரன்நகரை சேர்ந்தவர் காளிதாஸ் (வயது 36). இவர் அங்கு இரும்பு கடை நடத்தி வருகிறார். இவருடைய கடையில் பொள்ளாச்சியை சேர்ந்த 17 வயது சிறுவன் உள்பட 3 பேர் செல்போனை திருடிவிட்டு தப்பிச்சென்றனர்.
இதில் அந்த சிறுவனை மட்டும் போலீசார் கைது செய்தனர். மற்ற 2 பேரையும் தேடி வந்தனர். இந்த நிலையில் போலீசார் ரோந்து சென்றனர். அப்போது அவர்களை பார்த்ததும் 2 பேர் தப்பி ஓட முயன்றனர்.
உடனே போலீசார் அந்த 2 பேரையும் துரத்திச்ெசன்று பிடித்து விசாரணை நடத்தினார்கள். அதில் அவர்கள் கார்த்தி (வயது 28), கவுதம் (19) என்பதும், காளிதாஸ் கடையில் இருந்து செல்போன் திருடிய வழக்கில் தப்பி ஓடியவர்கள் என்பதும் தெரியவந்தது.
இதையடுத்து போலீசார் அந்த 2 பேரையும் கைது செய்தனர். அண்ணன், தம்பியான இவர்கள் மீது ஏற்கனவே பொள்ளாச்சி, ஆனைமலை, உடுமலை, காமநாயக்கன்பாளையம், நெகமம், சுற்று வட்டாபகுதிகளில் உள்ள பல்வேறு போலீஸ் நிலையங்களில் ஏராளமான வழக்குகள் நிலுவையில் இருப்பதும் தெரியவந்தது. தொடர்ந்து போலீசார் விசாரணை நடத்தி வருகிறார்கள்.
Related Tags :
Next Story
"Daily Thanthi" a prestigious product from The Thanthi Trust
எங்களைப்பற்றி தனித்தன்மை பாதுகாப்பு தொடர்புகொள்ள வலைத்தள தொகுப்பு ஆலோசனைகள் வேலைவாய்ப்பு
Paper Ad Tariff Web Ad Tariff Terms & Conditions (E-paper)
காப்புரிமை 2024, © The Thanthi Trust Powered by Hocalwire
