போலீஸ் சப் -இன்ஸ்பெக்டருக்கு கொலைமிரட்டல் விடுத்தவர் கைது

குலசேகரன்பட்டினம் போலீஸ் சப்-இன்ஸ்பெக்டர் முனியாண்டி மற்றும் போலீசார் உடன்குடி பஸ் நிலையம் பகுதியில் ரோந்து பணியில் ஈடுபட்டு இருந்தனர். அப்போது டாஸ்மார்க் கடை முன்பு சாத்தான்குளம் செட்டியார் தெற்கு தெருவை சேர்ந்த செல்லையா மகன் சண்முக வேலாயுதம் (வயது 56) என்பவர் சந்தேகத்திற்கு இடமான முறையில் பையுடன் நின்று கொண்டிருந்துள்ளார். அவரிடம் இருந்த பையில் அரசு அனுமதி இல்லாமல் விற்பனை செய்யும் நோக்கத்தில் 45 மதுபாட்டில்கள் வைத்திருந்தது தெரிய வந்தது. அந்த மதுபாட்டில்களை பறிமுதல் செய்தபோது,  அவர் போலீஸ் சப்-இன்ஸ்பெக்டர் மற்றும் போலீசாரை அவதூறாக பேசியதுடன் கொலை மிரட்டல் விடுத்துள்ளார். அவரை போலீசார் மடக்கி பிடித்து குலசேகரன்பட்டினம் போலீஸ் நிலையத்துக்கு கொண்டு சென்றனர்.

இது தொடர்பாக குலசேகன்பட்டினம் போலீசார் வழக்குப்பதிவு செய்து அவரை கைது செய்தனர். தொடர்

விசாரணையில், உடன்குடி தேரியூர் வடக்கு தெருவை சேர்ந்த லோகநாதன் மகன் மதன்ராஜ் (34) என்பவர் தன்னிடம் மதுபாட்டில்களை கொடுத்து விற்பனை செய்ய கொடுத்ததாக கூறியுள்ளார். இதுகுறித்தும் போலீசார் மேல் விசாரணை நடத்தி வருகின்றனர்.