<
தக்காளி விலை கிடுகிடு உயர்வு
கிணத்துக்கடவு தினசரி சந்தையில் தக்காளி விலை கிடுகிடுவென உயர்ந்தது. கிலோ ரூ.55-க்கு ஏலம் சென்றது.
கிணத்துக்கடவு
கிணத்துக்கடவு தினசரி சந்தையில் தக்காளி விலை கிடுகிடுவென உயர்ந்தது. கிலோ ரூ.55-க்கு ஏலம் சென்றது.
தினசரி சந்தை
கிணத்துக்கடவு தினசரி காய்கறி சந்தையில் கடந்த சில நாட்களாக தக்காளி விலை கடும் வீழ்ச்சி அடைந்தது. குறிப்பாக கடந்த வாரம் ஒரு கிலோ தக்காளி அதிகபட்சமாக 43 ரூபாய்க்கு மட்டுமே விற்பனையானது.
இந்த நிலையில் கடந்த சில நாட்களாக கிணத்துக்கடவு மற்றும் அதன் சுற்றுவட்டார பகுதிகளில் தொடர்ந்து மழை பெய்து வருகிறது. இதனால் கிணத்துக்கடவு தினசரி காய்கறி சந்தைக்கு தக்காளி வரத்து பெருமளவில் குறைந்துவிட்டது. இதன் காரணமாக அதன் விலை கிடுகிடுவென அதிகரித்து உள்ளது.
இல்லத்தரசிகள் கவலை
அதன்படி இன்று நடைபெற்ற ஏலத்தில் ஒரு கிலோ தக்காளி 55 ரூபாய்க்கு ஏலம் போனது. கடந்த வாரத்தை விட 12 ரூபாய் அதிகமாக விற்பனை ஆனதால் விவசாயிகள் மகிழ்ச்சி அடைந்தனர்.
மேலும் கிணத்துக்கடவு பகுதியில் உள்ள கடைகளில் ஒரு கிலோ தக்காளி 60 ரூபாய் முதல் 70 ரூபாய் வரை விற்பனை செய்யப்பட்டு வருகிறது. தக்காளி விலை அதிகரித்து உள்ளதால் இல்லத்தரசிகள் கவலை அடைந்து உள்ளனர்.
இறுதிக்கட்ட சீசன்
இதுகுறித்து தக்காளி வியாபாரிகள் கூறியதாவது:-
தற்போது தக்காளி சீசன் இறுதிக்கட்டத்துக்கு வந்துள்ளது. இதனால் தினசரி காய்கறி சந்தைக்கு குறைந்த அளவில் தக்காளிகள் விற்பனைக்கு வருகிறது. இதனால் நல்ல விலை கிடைத்து வருகிறது. தொடர்ந்து மழை பெய்து வருவதால் தக்காளி வரத்து மீண்டும் பாதிக்கப்பட வாய்ப்பு உள்ளது. இதனால் விலை மேலும் உயரலாம்.
இவ்வாறு அவர்கள் கூறினார்கள்.
Related Tags :
Next Story
"Daily Thanthi" a prestigious product from The Thanthi Trust
எங்களைப்பற்றி தனித்தன்மை பாதுகாப்பு தொடர்புகொள்ள வலைத்தள தொகுப்பு ஆலோசனைகள் வேலைவாய்ப்பு
Paper Ad Tariff Web Ad Tariff Terms & Conditions (E-paper)
காப்புரிமை 2024, © The Thanthi Trust Powered by Hocalwire
