<
உத்தரபிரதேசத்தில் கன மழைக்கு 16 பேர் பலி
உத்தரபிரதேசத்தில் பெய்து வரும் கனமழைக்கு இதுவரை 16 பேர் உயிரிழந்துள்ளனர்.
லக்னோ,
உத்தரபிரதேசத்தின் ஷாஜகான்பூர், சீதாப்பூர், அமேதி உள்ளிட்ட சில மாவட்டங்களில் கடந்த சனிக்கிழமை இடி, மின்னலுடன் கனமழை கொட்டி தீர்த்தது.
இதனால் நீர் நிலைகளில் வெள்ளப்பெருக்கு ஏற்பட்டு ஊர்களுக்குள் தண்ணீர் புகுந்தது. சுமார் 500 வீடுகள் பலத்த சேதம் அடைந்தன.
ஷாஜகான்பூரில் மின்னல் தாக்கி சிறுவர்கள் உள்பட 6 பேர் சம்பவ இடத்திலேயே உடல் கருகி உயிர் இழந்தனர். மேலும் 7 பேர் பலத்த காயம் அடைந்தனர்.
அதே போல் சீதாப்பூர், அமேதி, அவுராயா, ரேபரேலி, உன்னாவோ ஆகிய மாவட்டங்களில் மழை தொடர்பான சம்பவங்களில் 10 பேர் பலியாகினர். 5 பேர் படுகாயம் அடைந்தனர். மேலும் மழையின் காரணமாக மேற்கூறிய மாவட்டங்களில் 8 கால்நடைகளும் இறந்தன.
Related Tags :
Next Story
"Daily Thanthi" a prestigious product from The Thanthi Trust
எங்களைப்பற்றி தனித்தன்மை பாதுகாப்பு தொடர்புகொள்ள வலைத்தள தொகுப்பு ஆலோசனைகள் வேலைவாய்ப்பு
Paper Ad Tariff Web Ad Tariff Terms & Conditions (E-paper)
காப்புரிமை 2024, © The Thanthi Trust Powered by Hocalwire
