தேசிய செய்திகள்

கொள்ளையை தடுத்ததற்கு டி சர்ட் பரிசு; ஆத்திரத்தில் ரூ.70 லட்சம் பணத்துடன் தப்பி சென்ற வேலையாள் + "||" + Given just a T-shirt for foiling robbery, man steals Rs 70 lakh

கொள்ளையை தடுத்ததற்கு டி சர்ட் பரிசு; ஆத்திரத்தில் ரூ.70 லட்சம் பணத்துடன் தப்பி சென்ற வேலையாள்

கொள்ளையை தடுத்ததற்கு டி சர்ட் பரிசு; ஆத்திரத்தில் ரூ.70 லட்சம் பணத்துடன் தப்பி சென்ற வேலையாள்
கொள்ளையை தடுத்ததற்கு முதலாளி டி சர்ட் பரிசளித்த ஆத்திரத்தில் ரூ.70 லட்சம் பணத்துடன் வேலையாள் ஒருவர் தப்பி சென்றார்.

புதுடெல்லி,

டெல்லியில் வசித்து வரும் பைனான்சியர் ஒருவரிடம் வேலை செய்து வந்தவர் தன்சிங் பிஸ்த்.  முதலாளி கூறும் வாடிக்கையாளரிடம் இருந்து பணம் பெற்று கொண்டு அதனை வங்கியில் செலுத்துவது இவரது பணி.

ஒருமுறை இவர் ரூ.80 லட்சம் கொண்ட தனது முதலாளியின் பணப்பையை வங்கியில் செலுத்த கொண்டு சென்றபொழுது கொள்ளையர்கள் இவரை தடுத்துள்ளனர்.  இதனால் கொள்ளையர்களிடம் இருந்து பணப்பையை காப்பதற்காக கடுமையாக சண்டை போட்டுள்ளார்.  இதில் இவருக்கு காயம் ஏற்பட்டு உள்ளது.

கொள்ளையர்களிடம் இருந்து பணப்பையை காத்து கொடுத்ததற்காக முதலாளி தனக்கு பெரிய பரிசு தருவார் என தன்சிங் நினைத்து உள்ளார்.  ஆனால் அதற்கு பதிலாக டி சர்ட் பரிசாக கிடைத்து உள்ளது.

இதனால் தன்சிங் அதிக வருத்தம் அடைந்து உள்ளார்.  தன்சிங்கிற்கு 3 மகள்கள்.  அவர்களை திருமணம் முடித்து வைக்க பணம் தேவைப்பட்டு உள்ளது.  ஆனால் கொள்ளையர்களிடம் சண்டை போட்டு காயம் அடைந்த நிலையில் அவரால் வேலைக்கு செல்ல முடியவில்லை.

இதன்பின் தனது நண்பர் யாகூபிடம் இதுபற்றி கூறிய தன்சிங் தனது திட்டத்தினை செயல்படுத்த தொடங்கினார்.  அதன்படி கடந்த ஆகஸ்டு 28ந்தேதி முதலாளி கூறிய வாடிக்கையாளர் ஒருவரிடம் இருந்து ரூ.70 லட்சம் பணம் பெற்று கொண்டு யாகூபை தொடர்பு கொண்டுள்ளார்.

தனது மோட்டார் சைக்கிளை யாகூபின் கடை முன் நிறுத்தினார்.  அதன்பின் யாகூபின் காரில் நைனிடாலுக்கு இருவரும் தப்பினர்.  யாகூபிற்கு ரூ.3 லட்சம் பணம் தரப்பட்டுள்ளது.  இதனை அடுத்து அங்கு தன்சிங்கை இறக்கி விட்டு விட்டு திரும்பி வந்து மோட்டார் சைக்கிளை யாகூப் விற்றார்.  ஆனால் அவரை போலீசார் கைது செய்துள்ளனர்.

அவரிடம் போலீசார் மேற்கொண்ட விசாரணையில் பைனான்சியரின் ரூ.70 லட்சம் பணத்துடன் தன்சிங் தப்பி சென்றது தெரிய வந்துள்ளது.



தொடர்புடைய செய்திகள்

1. சுதந்திர போராட்ட தியாகிகளுக்கு கதர் ஆடை-நினைவு பரிசு பெரம்பலூர் கலெக்டர் வழங்கினார்
பெரம்பலூரில் செய்தி மக்கள் தொடர்புத்துறை மற்றும் தமிழ்நாடு கதர் கிராம தொழில் வாரியத்தின் சார்பில் காந்தி பிறந்த தினவிழா நேற்று கொண்டாடப்பட்டது.
2. பள்ளி-கல்லூரிகளில் ஆசிரியர் தினவிழா கொண்டாட்டம் ஆசிரியர்களுக்கு பரிசு பொருட்கள்
கரூரில் உள்ள பள்ளி, கல்லூரி உள்ளிட்ட கல்வி நிறுவனங்களில் நேற்று ஆசிரியர் தினவிழா கொண்டாடப்பட்டது. அப்போது ஆசிரியர் களுக்கு பல்வேறு பரிசு பொருட்களை வழங்கி மாணவ, மாணவிகள் அசத்தினர்.
3. சாலையில் கிடந்த ரூ.25 ஆயிரத்தை போலீசாரிடம் ஒப்படைத்த தொழிலாளி நேர்மையை பாராட்டி பரிசு
அரூரில் சாலையில் கிடந்த ரூ.25 ஆயிரத்தை எடுத்து வந்து ஒப்படைத்த தொழிலாளியை போலீஸ் அதிகாரிகள் பரிசு வழங்கி பாராட்டினர்.
4. இந்தியாவின் பரிசாக ருவாண்டாவுக்கு 200 பசுக்கள் - பிரதமர் மோடி வழங்குகிறார்
பிரதமர் மோடி ருவாண்டா நாட்டுக்கு சென்றார். இந்தியாவின் பரிசாக அந்த நாட்டுக்கு 200 பசுக்களை வழங்குகிறார்.