தேசிய செய்திகள்

ஜம்முவில் கையெறி குண்டு வீச்சு: பலி எண்ணிக்கை 2 ஆக உயர்வு + "||" + Grenade attack at Jammu bus stand yesterday: One more person succumbs to his injuries at the hospital. Death toll rises to two.

ஜம்முவில் கையெறி குண்டு வீச்சு: பலி எண்ணிக்கை 2 ஆக உயர்வு

ஜம்முவில் கையெறி குண்டு வீச்சு: பலி எண்ணிக்கை 2 ஆக உயர்வு
ஜம்மு பேருந்து நிலையத்தில் கையெறி குண்டு வீசப்பட்டதில் பலி எண்ணிக்கை 2 ஆக உயர்ந்துள்ளது.
ஸ்ரீநகர்,

காஷ்மீரின் குளிர்கால தலைநகரான ஜம்முவில் இயங்கி வரும் பஸ் நிலையம் எப்போதும் பரபரப்பாக காணப்படும். நேற்று நண்பகலில் இந்த பஸ் நிலையத்துக்கு வந்த மர்ம நபர் ஒருவர், கையெறி குண்டு ஒன்றை வீசிவிட்டு தப்பி ஓடினார். இந்த குண்டு பயங்கர சத்தத்துடன் வெடித்து சிதறியது.

இதில் சில அரசு பஸ்களும், பஸ்சுக்காக காத்திருந்த பயணிகளும் சிக்கிக்கொண்டனர். இதனால் பஸ் நிலையத்தில் பெரும் பரபரப்பும், குழப்பமும் ஏற்பட்டது. பயணிகள் அனைவரும் தங்கள் உயிரை காத்துக்கொள்வதற்காக அங்கிருந்து ஓட்டம் பிடித்தனர். எனினும் இந்த குண்டுவெடிப்பில் சிக்கி 33 பேர் காயமடைந்தனர். மேலும் பஸ் ஒன்றும் பெருத்த சேதமடைந்தது.

இந்த பயங்கர சம்பவம் குறித்து தகவல் அறிந்ததும் போலீசார் மற்றும் மீட்புக்குழுவினர் பஸ் நிலையத்துக்கு விரைந்தனர். பின்னர் அங்கு காயத்துடன் உயிருக்கு போராடிக்கொண்டு இருந்தவர்களை மீட்டு அருகில் உள்ள மருத்துவமனைகளுக்கு அனுப்பி வைத்தனர். எனினும் அங்கு சிகிச்சை பலனின்றி முகமது ஷாரிக் என்ற 17 வயது வாலிபர் பரிதாபமாக உயிரிழந்தார்.  

இந்த நிலையில், குண்டு வெடிப்பில் காயம் அடைந்து மருத்துவமனையில் சிகிச்சை பெற்று வந்த ஒருவர் சிகிச்சை பலனின்றி பலியானார். இதன்மூலம், இந்த தாக்குதலில் பலியானவர்கள் எண்ணிக்கை 2 ஆக உயர்ந்துள்ளது. 

கையெறி குண்டை வீசி தாக்குதல் நடத்திய  யாசிர் அகமது என்பவரை நேற்று போலீசார் கைது செய்தனர். ஹிஸ்புல் முஜாகிதீன் பயங்கரவாத இயக்கத்தை சேர்ந்த அவர், அந்த இயக்கத்தின் தூண்டுதலின் பேரில் இந்த சதிச்செயலில் ஈடுபட்டதாக அவர் கூறினார். அவரிடம் தொடர்ந்து விசாரணை நடைபெற்று வருகிறது. 


தொடர்புடைய செய்திகள்

1. காஷ்மீரில் கட்டுப்பாடுகளுக்கு மத்தியில் பிரிவினைவாதி கிலானிக்கு இன்டர்நெட் சேவை; பிஎஸ்என்எல் அதிகாரிகள் சஸ்பெண்ட்
காஷ்மீரில் கட்டுப்பாடுகளுக்கு மத்தியில் பிரிவினைவாத தலைவர் சையத் கிலானிக்கு இன்டர்நெட் சேவை வழங்கிய விவகாரம் தொடர்பாக இரு பிஎஸ்என்எல் அதிகாரிகள் சஸ்பெண்ட் செய்யப்பட்டுள்ளனர்.
2. தாவி ஆற்றில் ஏற்பட்ட திடீர் வெள்ளப்பெருக்கில் சிக்கித் தவித்த இருவர், ஹெலிகாப்டர் மூலம் மீட்பு
ஜம்மு அருகே தாவி ஆற்றில் ஏற்பட்ட திடீர் வெள்ளப்பெருக்கில் சிக்கித் தவித்த இருவர், விமானப்படை ஹெலிகாப்டர் மூலம் பத்திரமாக மீட்கப்பட்டனர்.
3. காஷ்மீரில் பயங்கரவாதிகளை தனிமைப்படுத்த போலீஸ் கவனம் செலுத்துகிறது- டிஜிபி
காஷ்மீரில் பயங்கரவாதிகளை தனிமைப்படுத்தவும், மக்களை தவறாக வழிநடத்த விடாதவகையிலும் காவல்துறை செயல்பட்டு வருகிறது என டிஜிபி கூறியுள்ளார்.
4. ஜம்மு காஷ்மீரில் பதற்றம் ஏற்பட பாகிஸ்தான் முயற்சிகள் செய்த போதிலும் உயிர் இழப்பு எதுவும் இல்லை - தலைமை செயலாளர்
ஜம்மு காஷ்மீரில் பதற்றம் ஏற்பட பாகிஸ்தான் முயற்சிகள் செய்த போதிலும் உயிர் இழப்பு எதுவும் இல்லை என ஜம்மு காஷ்மீர் தலைமை செயலாளர் பி.வி.ஆர். சுப்ரமண்யம் கூறினார்.
5. காஷ்மீர் : பூஞ்ச் பகுதியில் பாகிஸ்தான் ராணுவம் அத்துமீறி துப்பாக்கிச்சூடு - இந்தியா பதிலடி
காஷ்மீரில் பூஞ்ச் பகுதியில் பாகிஸ்தான் ராணுவம் அத்துமீறி துப்பாக்கிச்சூடு நடத்தியது இந்தியா தக்க பதிலடி கொடுத்துள்ளது.