<
மாயாவதி சிறப்பு உதவியாளரின் ரூ.225 கோடி மதிப்பிலான சொத்துகளை முடக்க வருமான வரி துறை முடிவு
மாயாவதி சிறப்பு உதவியாளரின் ரூ.225 கோடி மதிப்பிலான சொத்துகளை முடக்க வருமான வரி துறை முடிவு செய்துள்ளது.
புதுடெல்லி,
உத்தர பிரதேசத்தில் ஐ.ஏ.எஸ். அதிகாரியாக பணியில் சேர்ந்து ஓய்வு பெற்றவர் நெட் ராம். ரூ.90 கோடி வரை வரி ஏய்ப்பு செய்த வழக்கில் இவர் மீது குற்றச்சாட்டு எழுப்பப்பட்டது.
இதனை தொடர்ந்து டெல்லி மற்றும் லக்னோ நகரங்களில் இவரது வீடு உள்ளிட்ட 12க்கும் மேற்பட்ட இடங்களில் வருமான வரி துறையினர் கடந்த வாரம் சோதனை நடத்தினர்.
இவர், நடைபெறவுள்ள மக்களவை தேர்தலில் தனக்கு ஒரு தொகுதி ஒதுக்கும்படி கட்சி ஒன்றிடம் பேச்சுவார்த்தை நடத்தி வந்துள்ளார். இதனை தொடர்ந்தே வருமான வரி துறையின் கண்காணிப்பின் கீழ் அவர் வந்துள்ளார் என அதிகாரிகள் தெரிவித்து உள்ளனர்.
அவர்கள் சோதனை முடிவில், ரூ.50 லட்சம் மதிப்புள்ள மோண்ட் பிளாங்க் பேனாக்கள், ஒரு மெர்சிடிஸ் மற்றும் 2 ஃபார்ச்சூனர்ஸ் உள்ளிட்ட பினாமி பெயரிலான 4 ஆடம்பர ரக கார்கள் மற்றும் ரூ.225 கோடி மதிப்பிலான சட்டவிரோத சொத்துகளுக்கான ஆவணங்களையும் பறிமுதல் செய்துள்ளனர்.
நெட்ராமின் குடும்ப உறுப்பினர்கள் மற்றும் பிற உறவினர்கள் வைத்துள்ள 30 துணை நிறுவனங்களுக்கான பங்குகள் தொடர்புடைய ஆவணங்களையும் கைப்பற்றி அதிகாரிகள் ஆய்வு செய்து வருகின்றனர்.
கடந்த 2002-2003ம் ஆண்டில் மாயாவதி முதல் மந்திரியாக இருந்தபொழுது அவருக்கு செயலாளராக இருந்தவர் நெட் ராம். கலால் துறை தலைவர், சர்க்கரை தொழிற்சாலை மற்றும் கரும்பு துறை, உணவு வழங்கல் துறை உள்ளிட்ட பல்வேறு துறைகளின் உயர் பதவிகளை இவர் வகித்துள்ளார்.
இந்த சோதனையில் வருமான வரி துறையினர் பதிவு செய்துள்ள சொத்துகளின் மதிப்பு ரூ.100 கோடி என கண்டறியப்பட்டு உள்ளது. இதேவேளையில், இந்த சொத்துகளின் உண்மையான கொள்முதல் மதிப்பு ரூ.225 கோடி என கூறப்படுகிறது.
இந்த சொத்துகளை ஐ.டி. சட்ட பிரிவு 132(9)ன் கீழ் இன்று முடக்க வருமான வரி துறை முடிவு செய்துள்ளது. இந்த சொத்துகள் டெல்லி, மும்பை, கொல்கத்தா மற்றும் நொய்டா ஆகிய நகரங்களில் உள்ளன.
Related Tags :
Next Story
"Daily Thanthi" a prestigious product from The Thanthi Trust
எங்களைப்பற்றி தனித்தன்மை பாதுகாப்பு தொடர்புகொள்ள வலைத்தள தொகுப்பு ஆலோசனைகள் வேலைவாய்ப்பு
Paper Ad Tariff Web Ad Tariff Terms & Conditions (E-paper)
காப்புரிமை 2024, © The Thanthi Trust Powered by Hocalwire
