<
தேசிய அளவில் இந்த ஆண்டு இப்தார் விருந்து இல்லை: காங்கிரஸ் முடிவு
தேசிய அளவில் இந்த ஆண்டு இப்தார் விருந்து நிகழ்ச்சியை நடத்துவதில்லை என்று காங்கிரஸ் மேலிடம் முடிவு செய்துள்ளது.
புதுடெல்லி,
தேசிய அளவில் நிகழாண்டில் இப்தார் விருந்து நிகழ்ச்சியை நடத்துவதில்லை என்று காங்கிரஸ் மேலிடம் முடிவு செய்துள்ளது. டெல்லியில் காங்கிரஸ் சார்பில் தேசிய அளவில் கடந்த ஆண்டு காங்கிரஸ் தலைவர் ராகுல் காந்தி இப்தார் விருந்து அளித்தார். ஆனால், இந்த ஆண்டு அந்நிகழ்ச்சியை நடத்துவதில்லை என்று காங்கிரஸ் மேலிடம் முடிவு செய்துள்ளது.
இதுகுறித்து அக்கட்சியின் சிறுபான்மையினர் பிரிவு தலைவர் நதீம் ஜாவீத் கூறுகையில், தேசிய அளவில் இப்தார் விருந்து நிகழ்ச்சியை நடத்துவதில்லை என முடிவு செய்யப்பட்டுள்ளது. அதேநேரத்தில் மாநில அளவில் காங்கிரஸ் கட்சியின் பிரிவுகள் இந்நிகழ்ச்சியை நடத்தும் என்றார்.
நடந்து முடிந்த மக்களவைத் தேர்தலில் காங்கிரஸ் கட்சி பெரும் பின்னடைவைச் சந்தித்த நிலையில், அக்கட்சி சார்பில் இப்தார் விருந்து அளிக்கும் நிகழ்வை நடத்தவில்லை என்பது கவனிக்கத்தக்கது.
Related Tags :
Next Story
"Daily Thanthi" a prestigious product from The Thanthi Trust
எங்களைப்பற்றி தனித்தன்மை பாதுகாப்பு தொடர்புகொள்ள வலைத்தள தொகுப்பு ஆலோசனைகள் வேலைவாய்ப்பு
Paper Ad Tariff Web Ad Tariff Terms & Conditions (E-paper)
காப்புரிமை 2024, © The Thanthi Trust Powered by Hocalwire
