தேசிய செய்திகள்

பாகிஸ்தான் ராணுவம் அத்துமீறி நடத்திய தாக்குதலில், ராணுவ வீரர்கள் 2 பேர் காயம் + "||" + pakistan ceasefire violations in naushera sector

பாகிஸ்தான் ராணுவம் அத்துமீறி நடத்திய தாக்குதலில், ராணுவ வீரர்கள் 2 பேர் காயம்

பாகிஸ்தான் ராணுவம் அத்துமீறி நடத்திய தாக்குதலில், ராணுவ வீரர்கள் 2 பேர்  காயம்
ஜம்மு காஷ்மீர் மாநில எல்லையில் பாகிஸ்தான் ராணுவம் அத்துமீறி நடத்திய தாக்குதலில், ராணுவ வீரர்கள் இருவர் காயம் அடைந்தனர்.
ஸ்ரீநகர்

ஜம்மு காஷ்மீர் மாநிலம் ரஜோரி மாவட்டத்தில் உள்ள ரொமாலி தாரா என்ற இடத்தில், பாகிஸ்தான் ராணுவம் அத்துமீறி தாக்குதல் நடத்தியது. நேற்றிரவு 9 மணிக்கு தொடங்கி, அந்நாட்டு ராணுவம் சிறிய ரக ஆயுதங்கள் மூலம் தாக்குதல் நடத்தியது. பாகிஸ்தானுக்கு இந்திய ராணுவ வீரர்களும் தகுந்த பதிலடி கொடுத்ததாக பாதுகாப்புத்துறை தகவல்கள் தெரிவிக்கின்றன.

பாகிஸ்தான் தாக்குதலில் ராணுவ வீரர்கள் இருவர் காயமுற்றனர். அவர்களுக்கு ராணுவ மருத்துவமனையில் சிகிச்சை அளிக்கப்பட்டு வருகிறது. பதிலடி தாக்குதலில் பாகிஸ்தானுக்கு ஏற்பட்ட சேதம் குறித்த விவரங்கள் வெளியாகவில்லை.

மாநிலங்களவையில் எழுப்பப்பட்ட கேள்வி ஒன்றுக்கு பதில் அளித்த பாதுகாப்புத் துறை அமைச்சர் ராஜ்நாத் சிங்  ஜம்மு-காஷ்மீர் மாநிலத்தையொட்டி உள்ள எல்லைக் கட்டுப்பாடு கோட்டுப் பகுதியில் நடப்பாண்டின் தொடக்கத்தில் இருந்து மட்டும் 1,248 முறை அத்துமீறி தாக்குதல்கள் நடத்தப்பட்டுள்ளதாக தெரிவித்தார். பாகிஸ்தான் ராணுவத்தால் நடத்தப்பட்டு வரும் இந்த தாக்குதல்களால்,  இதுவரை 4 இந்திய வீரர்கள் வீரமரணமடைந்ததாகவும் கூறினார். அதிகபட்சமாக மார்ச் மாதத்தில் 267 முறை அத்துமீறி தாக்குதல்கள் நடத்தப்பட்டதாகவும் குறிப்பிட்டு இருந்தார்.

தொடர்புடைய செய்திகள்

1. காஷ்மீரில் கட்டுப்பாடுகளுக்கு மத்தியில் பிரிவினைவாதி கிலானிக்கு இன்டர்நெட் சேவை; பிஎஸ்என்எல் அதிகாரிகள் சஸ்பெண்ட்
காஷ்மீரில் கட்டுப்பாடுகளுக்கு மத்தியில் பிரிவினைவாத தலைவர் சையத் கிலானிக்கு இன்டர்நெட் சேவை வழங்கிய விவகாரம் தொடர்பாக இரு பிஎஸ்என்எல் அதிகாரிகள் சஸ்பெண்ட் செய்யப்பட்டுள்ளனர்.
2. தாவி ஆற்றில் ஏற்பட்ட திடீர் வெள்ளப்பெருக்கில் சிக்கித் தவித்த இருவர், ஹெலிகாப்டர் மூலம் மீட்பு
ஜம்மு அருகே தாவி ஆற்றில் ஏற்பட்ட திடீர் வெள்ளப்பெருக்கில் சிக்கித் தவித்த இருவர், விமானப்படை ஹெலிகாப்டர் மூலம் பத்திரமாக மீட்கப்பட்டனர்.
3. காஷ்மீரில் பயங்கரவாதிகளை தனிமைப்படுத்த போலீஸ் கவனம் செலுத்துகிறது- டிஜிபி
காஷ்மீரில் பயங்கரவாதிகளை தனிமைப்படுத்தவும், மக்களை தவறாக வழிநடத்த விடாதவகையிலும் காவல்துறை செயல்பட்டு வருகிறது என டிஜிபி கூறியுள்ளார்.
4. ஜம்மு காஷ்மீரில் பதற்றம் ஏற்பட பாகிஸ்தான் முயற்சிகள் செய்த போதிலும் உயிர் இழப்பு எதுவும் இல்லை - தலைமை செயலாளர்
ஜம்மு காஷ்மீரில் பதற்றம் ஏற்பட பாகிஸ்தான் முயற்சிகள் செய்த போதிலும் உயிர் இழப்பு எதுவும் இல்லை என ஜம்மு காஷ்மீர் தலைமை செயலாளர் பி.வி.ஆர். சுப்ரமண்யம் கூறினார்.
5. காஷ்மீர் : பூஞ்ச் பகுதியில் பாகிஸ்தான் ராணுவம் அத்துமீறி துப்பாக்கிச்சூடு - இந்தியா பதிலடி
காஷ்மீரில் பூஞ்ச் பகுதியில் பாகிஸ்தான் ராணுவம் அத்துமீறி துப்பாக்கிச்சூடு நடத்தியது இந்தியா தக்க பதிலடி கொடுத்துள்ளது.