‘பாரத ரத்னா’ விருது பிரணாப் முகர்ஜிக்கு பொருத்தமான அங்கீகாரம் - பிரதமர் மோடி பாராட்டு

புதுடெல்லி,

முன்னாள் ஜனாதிபதி பிரணாப் முகர்ஜிக்கு நேற்றுமுன்தினம் பாரத ரத்னா விருது வழங்கப்பட்டது. இதுதொடர்பாக பிரதமர் மோடி நேற்று தனது ‘டுவிட்டர்’ பக்கத்தில் கூறியிருப்பதாவது:-

தங்களுக்கு பாரத ரத்னா விருது வழங்கியது, நாட்டுக்கு நீங்கள் ஆற்றிய சேவைக்கு பொருத்தமான அங்கீகாரம். அதை நீங்கள் வாங்கியதை நான் நேரில் பார்த்தது எனக்கு கிடைத்த பெருமை. இந்தியாவை வளர்ந்த நாடாக்க நீங்கள் ஆற்றிய பணிக்கு நன்றி.இவ்வாறு அவர் கூறியுள்ளார்.