தேசிய செய்திகள்

50 லட்சம் சாலையோர வியாபாரிகளுக்கான திட்டம்: மத்திய மந்திரிசபை ஒப்புதல் + "||" + 50 lakhs roadside dealers project: Cabinet approval

50 லட்சம் சாலையோர வியாபாரிகளுக்கான திட்டம்: மத்திய மந்திரிசபை ஒப்புதல்

50 லட்சம் சாலையோர வியாபாரிகளுக்கான திட்டம்: மத்திய மந்திரிசபை ஒப்புதல்
50 லட்சம் சாலையோர வியாபாரிகளுக்கு பலனளிக்கும் புதிய திட்டத்துக்கு மத்திய மந்திரிசபை ஒப்புதல் அளித்தது.
புதுடெல்லி, 

பிரதமர் மோடி தலைமையில் மத்திய மந்திரிசபை கூட்டம் நேற்று நடைபெற்றது. அதில், 50 லட்சத்துக்கு மேற்பட்ட சாலையோர, நடைபாதை வியாபாரிகளுக்கு பலனளிக்கும் புதிய திட்டத்துக்கு ஒப்புதல் அளிக்கப்பட்டது.

இதற்கு ‘பிரதம மந்திரி சாலையோர வியாபாரிகள் ஆத்ம நிர்பார் நிதி‘ திட்டம் என்று பெயர் சூட்டப்பட்டுள்ளது. இதன்படி, மேற்கண்ட வியாபாரிகளுக்கு ரூ.1 லட்சம்வரை கடன் வழங்கப்படும். அதை ஓராண்டுக்குள் திருப்பி செலுத்த வேண்டும். அபராத நடவடிக்கை கிடையாது.

“சுதந்திரத்துக்கு பிறகு சாலையோர வியாபாரிகளுக்காக இத்தகைய திட்டம் கொண்டுவரப்படுவது இதுவே முதல்முறை“ என்று மத்திய மந்திரி பிரகாஷ் ஜவடேகர் தெரிவித்தார்.

மேலும், சிறு, குறு, நடுத்தர தொழில் நிறுவனங்களுக்கான ரூ.20 ஆயிரம் கோடி தொகுப்பு திட்டத்துக்கு மத்திய மந்திரிசபை ஒப்புதல் அளித்தது. இந்த திட்டத்தை செயல்படுத்துவதற்கான வழிமுறைகள் இறுதி செய்யப்பட்டது.

நடுத்தர தொழில் நிறுவனங்களுக்கான வரையறை மீண்டும் மாற்றப்பட்டுள்ளது. அதன்படி, ரூ.50 கோடிவரை முதலீடும், ரூ.250 கோடிவரை விற்றுமுதலும் கொண்டவை நடுத்தர நிறுவனங்களாக கருதப்படும்.

2020-2021 சாகுபடி ஆண்டில், நெல், பருத்தி, பருப்பு, எண்ணெய் வித்துகள், தானியங்களின் குறைந்தபட்ச ஆதார விலையை உயர்த்த மத்திய மந்திரிசபை ஒப்புதல் அளித்தது.

அதன்படி, சாதாரண ரக நெல் மற்றும் கிரேடு ஏ ரக நெல்லின் ஆதார விலை குவிண்டாலுக்கு தலா 53 ரூபாய் உயர்த்தப்பட்டுள்ளது. பருத்திக்கான ஆதார விலை குவிண்டாலுக்கு ரூ.260 உயர்த்தப்பட்டது.


தொடர்புடைய செய்திகள்

1. சேலத்தில் நடந்த விழாவில் மகளிர் சுய உதவிக்குழுக்களுக்கு சிறப்பு கடனுதவி திட்டம் எடப்பாடி பழனிசாமி தொடங்கி வைத்தார்
சேலத்தில் நடந்த விழாவில் மகளிர் சுய உதவிக்குழுக்களுக்கு சிறப்பு கடனுதவி அளிக்கும் திட்டத்தை முதல்அமைச்சர் எடப்பாடி பழனிசாமி தொடங்கி வைத்தார்.
2. கூட்டுக்குடிநீர் திட்டம் ஏப்ரல் மாதம் பயன்பாட்டுக்கு வரும் குமரி மாவட்ட பஞ்சாயத்து கூட்டத்தில் அதிகாரிகள் தகவல்
அழகியபாண்டியபுரம் கூட்டுக்குடிநீர் திட்டம் ஏப்ரல் மாதம் பயன்பாட்டுக்கு வரும் என்று குமரி மாவட்ட பஞ்சாயத்து கூட்டத்தில் அதிகாரிகள் கூறினர்.
3. ரூ.5 கோடியில் துப்பாக்கி சுடும் தளம் அமைக்க திட்டம்: திருச்சி ரைபிள் கிளப்பில் உறுப்பினர் சேர்க்கை போலீஸ் கமிஷனர் தகவல்
திருச்சி ரைபிள் கிளப்பில் ரூ.5 கோடியில் துப்பாக்கி சுடும் தளம் அமைக்க திட்டமிடப்பட்டுள்ளது. தற்போது கிளப்பில் உறுப்பினர் சேர்க்கை நடைபெறுகிறது.
4. மத்திய அரசின் திட்டத்தில் சேர மேற்கு வங்காளத்திற்கு அழைப்பு
மத்திய அரசின் திட்டத்தில் சேர மேற்கு வங்காளத்திற்கு அழைப்பு விடுக்கப்பட்டுள்ளது.
5. சரபோஜி மார்க்கெட் கடைகளை காலி செய்வதற்காக வந்த அதிகாரிகள் போலீசார் குவிக்கப்பட்டதால் பரபரப்பு
நிர்ணயிக்கப்பட்ட கெடு முடிந்தும் அப்புறப்படுத்தாததால் சரபோஜி மார்க்கெட் கடைகளை காலி செய்வதற்காக அதிகாரிகள் வந்தனர். இதனால் அங்கு போலீசார் குவிக்கப்பட்டதால் பரபரப்பு ஏற்பட்டது.