அசாமில் வெள்ளம்: 9 காண்டா மிருகங்கள் உள்பட 108 விலங்குகள் உயிரிழப்பு

கவுகாத்தி,

வடகிழக்கு மாநிலங்களில் ஒன்றா அசாமில் தொடர் மழை பெய்து வருகிறது. தொடர் கனமழை காரணமாக காசிரங்கா உயிரியல் பூங்கா வெள்ளத்தில் மூழ்கியது. இந்த வெள்ளத்தில் சிக்கி 9 காண்டா மிருகங்கள் உள்பட 108 விலங்குகள் பரிதாபமாக உயிரிழந்தன.  இது குறித்து காசிரங்கா பூங்காவின் இயக்குநர் செய்தியாளர்களிடம் கூறுகையில், “ காசிரங்கா பூங்காவின் 80 சதவீதப் பகுதி இன்னும் வெள்ளத்தில் மூழ்கியே காணப்படுகிறது, வெளியேறி சென்ற காண்டாமிருகங்கள் மீண்டு விட்டன.

இறப்பு எண்ணிக்கையைப் பொறுத்த வரை, 9 காண்டாமிருகங்கள் 108 உட்பட விலங்குகள் பலியாகியுள்ளன. நாங்கள் 136 விலங்குகளை காப்பாற்றியுள்ளோம். வெள்ளம் வடியத் துவங்கியிருப்பதால் இன்னும் பலி எண்ணிக்கை உயரும் என்று நினைக்கிறோம். சரியான பலி எண்ணிக்கைக்காக எல்லாப் பகுதிகளிலும் கணக்கெடுப்புகளை நடத்தி வருகிறோம்”என்றார்.