மராட்டியத்தில் இன்று மேலும் 20,489 பேருக்கு கொரோனா பாதிப்பு உறுதி

மும்பை,

மராட்டிய மாநிலத்தில் கொரோனா தொற்று பாதிப்பு அதிக அளவில் காணப்படுகிறது. நாட்டிலேயே கொரோனாவால் அதிகம் பாதிக்கப்பட்ட மாநிலங்களில் முதலிடத்தில் மராட்டியம் தான் உள்ளது. 

இந்த நிலையில், மராட்டிய மாநிலத்தில் இன்று அதிக அளவாக மேலும் 20,489 பேருக்கு கொரோனா தொற்று உறுதி செய்யப்பட்டுள்ளது. 

மாநில சுகாதாரத்துறை சார்பில் இன்று வெளியிடப்பட்டுள்ள அறிக்கையின்படி, மராட்டியத்தில் மேலும் 20,489 பேருக்கு கொரோனா தொற்று உறுதி செய்யப்பட்டுள்ளது. இதனால் மொத்த கொரோனா பாதிப்பு எண்ணிக்கை 8,83,862 ஆக அதிகரித்துள்ளது. இன்று ஒரே நாளில் மாநிலத்தில் 312 பேர் கொரோனாவால் உயிரிழந்துள்ளனர். இதன்மூலம் பலியானோர் எண்ணிக்கை 26,276 ஆக அதிகரித்துள்ளது. 

கொரோனாவில் இருந்து இன்று 10,801 பேர் டிஸ்சார்ஜ் செய்யப்பட்டுள்ளநிலையில், இதுவரை 6,36,574 பேர் குணமடைந்துள்ளனர். மேலும் 2,20,661 பேர் சிகிச்சை பெற்று வருவதாக மாநில சுகாதாரத்துறை தெரிவித்துள்ளது.