தேசிய செய்திகள்

கொரோனா வைரஸ் : உலக அளவில் சீனாவின் செல்வாக்கு சரிந்து உள்ளது- ஆய்வில் தகவல் + "||" + China's global reputation takes a hit amid COVID-19 pandemic

கொரோனா வைரஸ் : உலக அளவில் சீனாவின் செல்வாக்கு சரிந்து உள்ளது- ஆய்வில் தகவல்

கொரோனா வைரஸ் : உலக அளவில் சீனாவின் செல்வாக்கு சரிந்து உள்ளது- ஆய்வில் தகவல்
கொரோனா வைரசை கையாண்ட விதத்தால் உலக அளவில் சீனாவின் செல்வாக்கு சரிந்து உள்ளது என ஒரு ஆய்வில் தெரிய வந்து உள்ளது.
புதுடெல்லி: 

கடந்த ஆண்டு டிசம்பரில் சீனாவின் ஹூபே மாகாணத்தின் உகான் நகரில் தோன்றிய  கொரோனா வைரஸ் உலகம் முழுவதும் கோர தாண்டவமாடிவருகிறது.

உலகம் முழுவதும் தற்போதைய நிலவரப்படி 36,037,992-பேருக்கு கொரோனா வைரஸ் தொற்று உறுதி செய்யப்பட்டுள்ளது. கொரோனா பாதிப்பில் இருந்து இதுவரை  27,143,863 -பேர் குணமடைந்துள்ளனர். மேலும் கொரோனா வைரஸ் தாக்குதலுக்கு இதுவரை 10 லட்சத்து 54  ஆயிரத்து 514-பேர் உயிரிழந்துள்ளனர்.

வைரஸ் தொற்றால் பாதிக்கப்பட்டவர்களில் 78 லட்சத்து 39-ஆயிரத்து 615-பேர் சிகிச்சை பெற்று வருகின்றனர். சிகிச்சை பெறுபவர்களில் 67 ஆயிரத்து 862-பேரின் நிலைமை கவலைக்கிடமாக உள்ளது. 

கொரோனா தொற்றுநோய் காரணமாக சீனாவிற்கு எதிரான உலகளாவிய உணர்வுகள் பெருகி உள்ளது. அது தற்போது மேலும் அதிகரித்து உள்ளதாக சிஎன்என் பியூ ரிசர்ச் வெளியிட்ட புதிய ஆய்வை  மேற்கோளிட்டு செய்தி  வெளியிட்டு உள்ளது.

சீன அதிபர் ஜி ஜின்பிங்கின் மீதான நம்பிக்கையும் கடந்த 12 மாதங்களில் சரிந்துவிட்டது, அமெரிக்காவில் கணக்கெடுக்கப்பட்ட 77 சதவீதத்திற்கும் அதிகமானோர் உலகளாவிய விவகாரங்களில் "சரியானதைச் செய்வார்கள்" என்று ஜி மீது நம்பிக்கை இல்லை என்று கூறியுள்ளனர்.

பியூ ரிசர்ச் ஜூன் மற்றும் ஆகஸ்ட் மாதங்களுக்கு இடையில் கொரோனாவால் பாதிக்கப்பட்ட அமெரிக்கா, கனடா, பிரான்ஸ், ஜெர்மனி, ஆஸ்திரேலியா, ஜப்பான் மற்றும் இங்கிலாந்து உள்ப 14 நாடுகளில் 14,276க்கு மேற்பட்டவர்களிடம் கருத்து கணிப்பு நடத்தியது.

இது குறித்து பியூவின் மூத்த ஆராய்ச்சியாளரும் அறிக்கையின் இணை ஆசிரியருமான லாரா சில்வர் கூறினார்.  ஆய்வில் முக்கியமாக தெரியவந்து உள்ளது என்னவென்றால், சீனாவிற்கு எதிரான பார்வைகள் விரைவாக உயர்ந்து கொண்டிருக்கின்றன, மேலும் இது கொரோனா வைரஸைக் கையாள்வதில் சீனா ஒரு நல்ல வேலையைச் செய்யவில்லை என்பதோடு இணைந்துள்ளது" என்று கூறினார்.

பியூ ரிசர்ச் வாக்களித்த 14 நாடுகளில், அனைவருக்கும் சீனாவைப் பற்றி பெரும்பான்மையான எதிர்மறை பார்வை இருந்தது. பிரான்ஸ், ஜப்பான் மற்றும் இத்தாலி தவிர ஒவ்வொரு நாட்டிலும், சீனாவின் நற்பெயர் அதன் மிகக் குறைந்து வருகிறது.

கொரோனா வைரஸ் தொற்றுநோய் சீனாவின் சாதக மதிப்பீடுகளில் சில விரைவான வீழ்ச்சிக்கு காரணமாக இருக்கலாம் என்று கணக்கெடுப்பில் தெரிவிக்கப்பட்டுள்ளது. வாக்களித்த 14 நாடுகளில், 61 சதவீதம் பேர் சீனா வைரஸ் வெடிப்பை மோசமாகக் கையாண்டதாகக் கூறினர்.

கடந்த இரண்டு ஆண்டுகளில் சீன அரசாங்கத்திற்கு எதிர்மறையான செய்திகளின் அலை காணப்படுகிறது. ஹாங்காங்கில் எதிர்ப்பாளர்கள் மீது பெய்ஜிங்கின் ஒடுக்குமுறைகள் மற்றும் சிஞ்சியாங் பிராந்தியத்தில் முஸ்லீம் பெரும்பான்மை இனக்குழுக்களை பெருமளவில் தடுத்து நிறுத்துவது பற்றிய விமர்சனங்கள் உலகம் முழுவதும் தலைப்புச் செய்திகளாக அமைந்தன.



தொடர்புடைய செய்திகள்

1. உலகை ஆதிக்கம் செலுத்த மூன்றாம் உலகப்போரை தூண்டும் சீனா..,ஜெர்மன் உளவுத்துறை நிபுணர் எச்சரிக்கை
மூன்றாம் உலகப்போரின் போர்க்களமாக ஐரோப்பாவை சீனா பார்ப்பதாக ஜெர்மன் உளவுத்துறை நிபுணர் ஒருவர் எச்சரித்து உள்ளார்.
2. கொரோனா தொற்று பாதிப்பு:இந்தியாவில் குழந்தைகள் கடத்தல் அதிகரிப்பு
கொரோனா தொற்றுநோய் இந்தியாவில் குழந்தைகள் கடத்தல் என்ற இரண்டாவது நெருக்கடியை உருவாக்கியுள்ளது.
3. கொரோனா தொற்றினை கட்டுப்படுத்தப்போவதில்லை டிரம்பின் உதவியாளர்களின் தலைவர் ஆணவ பேச்சு
கொரோனா தொற்றினை கட்டுப்படுத்தப்போவதில்லை, இது சாதாரண காய்ச்சல்போல் தான் என அமெரிக்க அதிபர் டொனால்ட் டிரம்பின் உதவியாளர்களின் தலைவரான மார்க் மெடோஸ் கூறி உள்ளார்.
4. இந்தியா - சீனா இடையேயான 8-வது கட்ட ராணுவ பேச்சுவார்த்தை இந்த வாரம் நடைபெற வாய்ப்பு
எல்லையில் பதற்றத்தை தணிக்க இரு நாடுகளுக்கும் இடையே ராணுவரீதியிலும், அதிகாரிகள் மட்டத்திலும் பேச்சு வார்த்தைகள் நடந்து வருகின்றன.
5. ஜம்மு காஷ்மீர்: பாகிஸ்தான் டிரோனை சுட்டு வீழ்த்தியது இந்திய ராணுவம்
இந்திய எல்லைக்குள் பறந்த பாகிஸ்தான் ராணுவத்தின் குவாட்காப்டர் எனப்படும் டிரோனை இந்திய ராணுவம் சுட்டு வீழ்த்தியது.