தேசிய செய்திகள்

கொரோனா பரவல் திடீர் அதிகரிப்பு: உத்தரபிரதேசம், பஞ்சாப், இமாசல பிரதேசத்துக்கு மத்திய குழுவினர் விரைந்தனர் + "||" + In Fight Against Covid, Central Teams Rushed To Punjab, Himachal, UP

கொரோனா பரவல் திடீர் அதிகரிப்பு: உத்தரபிரதேசம், பஞ்சாப், இமாசல பிரதேசத்துக்கு மத்திய குழுவினர் விரைந்தனர்

கொரோனா பரவல் திடீர் அதிகரிப்பு:  உத்தரபிரதேசம், பஞ்சாப், இமாசல பிரதேசத்துக்கு மத்திய குழுவினர் விரைந்தனர்
இந்தியாவில் கடந்த செப்டம்பர் மாதம் உச்சத்தில் இருந்த கொரோனா தொற்று பின்னர் படிப்படியாக குறைய தொடங்கியது.
புதுடெல்லி,

இந்தியாவில் கடந்த செப்டம்பர் மாதம் உச்சத்தில் இருந்த கொரோனா தொற்று பின்னர் படிப்படியாக குறைய தொடங்கியது. சுமார் 1 லட்சத்தை நெருங்கிய தினசரி தொற்று தற்போது 50 ஆயிரத்துக்கு கீழேயே நீடித்து வருகிறது.

அதே நேரம் ஒருசில வட மாநிலங்களில் சமீப நாட்களாக தொற்று அதிகரித்து வருவது தெரிய வந்துள்ளது. இதனால் மத்திய பிரதேசம், குஜராத் போன்ற மாநிலங்களில் குறிப்பிட்ட சில நகரங்களில் இரவு நேர ஊரடங்கும் பிறப்பிக்கப்பட்டு இருக்கிறது.

இந்த வரிசையில் உத்தரபிரதேசம், இமாசல பிரதேசம், பஞ்சாப் ஆகிய 3 மாநிலங்களிலும் தினசரி தொற்றுகளின் எண்ணிக்கை அதிகரித்து வருகிறது. அங்கு மருத்துவமனை மற்றும் வீடுகளில் சிகிச்சையில் இருக்கும் நோயாளிகளின் எண்ணிக்கை உயர தொடங்கி உள்ளன. இது மாநில அரசுகளுக்கு அதிர்ச்சியை அளித்து இருக்கிறது.

இதைத்தொடர்ந்து கொரோனாவை கட்டுப்படுத்துவதில் இந்த மாநிலங்களுக்கு உதவுவதற்காக சிறப்பு குழுவை மத்திய அரசு அனுப்பி வைத்துள்ளது. அங்கு தொற்று அதிகரித்து வரும் மாவட்டங்களுக்கு செல்லும் இந்த குழுவினர், அங்கு பரிசோதனை அதிகரிப்பு, கண்காணிப்பு, கட்டுப்பாட்டு பகுதிகளை வலிமைப்படுத்துவது உள்ளிட்ட பல்வேறு தடுப்பு நடவடிக்கைகளுக்கு உதவி புரிவார்கள்.

மேலும் தொற்று பாதித்தவர்களுக்கு உடனடி சிகிச்சை மற்றும் அடுத்த அடுத்த நடவடிக்கைகளை உறுதிப்படுத்துவதுடன், கொரோனாவை கட்டுப்படுத்த மாநில அரசு எடுத்து வரும் நடவடிக்கைகளுக்கு ஊக்கம் அளிக்கும் வகையிலும் செயலாற்றுவார்கள்.

ஏற்கனவே அரியானா, ராஜஸ்தான், குஜராத், மணிப்பூர் மற்றும் சத்தீஷ்கார் போன்ற மாநிலங்களுக்கும் மத்திய குழுவினர் சென்றிருப்பது குறிப்பிடத்தக்கது.

தொடர்புடைய செய்திகள்

1. மதரஸா மாணவர்கள் கல்லூரி, பல்கலைக்கழகங்களில் பயில அனுமதி: உத்தரபிரதேச முதல்வர் உத்தரவு
மதரஸா மாணவர்கள் கல்லூரி,பல்கலைக்கழகங்களில் பயில அனுமதி வழங்கி முதல்வர் யோகி ஆதித்யநாத் உத்தரவிட்டு உள்ளார் இதானால் 3 லட்சம் பேர் பலனடைவார்கள்.
2. கொரோனா அச்சுறுத்தல்: பஞ்சாபில் மேலும் 10 நாட்களுக்கு கட்டுப்பாடுகள் நீட்டிப்பு
கொரோனா அச்சுறுத்தல் குறையாததால் பஞ்சாபில் மேலும் 10 நாட்களுக்கு கட்டுப்பாடுகள் நீட்டிக்கப்பட்டுள்ளன.
3. போலீஸ் நிலையத்தில் வைத்திருந்த ஆயிரம் லிட்டர் மதுபானங்கள் மாயம் எலிகள் குடித்து விட்டதாக போலீசார் நாடகம்
போலீஸ் நிலையத்தில் வைத்திருந்த ஆயிரம் லிட்டர் மதுபானங்கள் மாயம் எலிகள் குடித்து விட்டதாக போலீசார் நாடகமாடுகின்றனர்
4. உத்தரபிரதேசத்தில் பஸ் மீது டிரெய்லர் லாரி மோதியதில் 6 பேர் பலி
உத்தரபிரதேசத்தில் பஸ் மீது டிரெய்லர் லாரி மோதிய விபத்தில் சிக்கி 6 பேர் பலியாகினர்.
5. உத்தரபிரதேசத்தில் காணாமல் போன சகோதரிகள் பிணமாக மீட்பு
உத்தரபிரதேசத்தில் காணாமல் போன 2 சகோதரிகள் பிணமாக மீட்கப்பட்டு உள்ளனர்.