<
பொதுமக்களின் நலனுக்காக விவசாயிகள் போராட்டத்தை முடிவுக்குக் கொண்டு வாருங்கள் - வேளாண் அமைச்சர் நரேந்திர சிங் தோமர்
படம்: ANI
பொதுமக்களின் நலனுக்காக விவசாயிகள் போராட்டத்தை முடிவுக்குக் கொண்டு வாருங்கள் என வேளாண் அமைச்சர் நரேந்திர சிங் தோமர் வேண்டுகோள் விடுத்து உள்ளார்.
புதுடெல்லி
வேளாண் சட்டங்களுக்கு எதிராக போராடும் விவசாயிகள், டெல்லியின் எல்லை பகுதிகளான சிங்கு, திக்ரி, காஜிப்பூர், சில்லா ஆகிய இடங்களில் முற்றுகையிட்டுள்ளனர். டெல்லி எல்லையில் விவசாயிகளின் போராட்டம் 16 வது நாளாக தொடருகிறது.
இந்த நிலையில் பொதுமக்களின் நலனுக்காக விவசாயிகள் போராட்டத்தை முடிவுக்குக் கொண்டு வாருங்கள் என வேளாண் அமைச்சர் நரேந்திர சிங் தோமர் வேண்டுகோள் விடுத்து உள்ளார்.
இன்று வேளாண் அமைச்சர் நரேந்திர சிங் தோமர் கூறியதாவது:-
விவசாயிகளின் வாழ்க்கையில் ஒரு மாற்றத்தைக் கொண்டு வருவதற்கும், பல ஆண்டுகளாக அவர்களுக்கு செய்யப்பப்ட்டு வந்த அநீதியை போக்கவும் மூன்று வேளாண் சட்டங்கள் மத்திய அரசால் கொண்டு வரப்பட்டது. விவசாயிகளுக்கு சிறந்த வாழ்க்கை கிடைக்கவும் நன்மை பயக்கும் விவசாயத்தில் ஈடுபடுவதை உறுதி செய்வதற்காக இது செய்யப்பட்டது.
எங்களிடம் அதிக ஆளும் சக்தி இல்லை என்பதை நாங்கள் ஒப்புக்கொள்கிறோம், விவசாய தொழிற்சங்கங்களின் மனதில் ஏதேனும் இருக்கக்கூடும். எனவே, பேச்சுவார்த்தைக்குப் பிறகு சட்டங்களில் சீர்திருத்தங்களைச் செய்ய அரசு தயாராக உள்ளது. பொதுமக்களின் நலனுக்காக போராட்டத்தை முடிவுக்குக் கொண்டுவருங்கள்
எங்கள் திட்டத்தில், அவர்களின் ஆட்சேபனைகளுக்கு ஒரு தீர்வை பரிந்துரைக்க நாங்கள் முயற்சி செய்துள்ளோம். அவர்கள் போராட்டத்தை விட்டுவிட்டு விவாதத்தின் பாதையில் செல்ல வேண்டும். அரசாங்கம் பேச்சுவார்த்தைக்கு தயாராக உள்ளது என கூறினார்.
Related Tags :
Next Story
"Daily Thanthi" a prestigious product from The Thanthi Trust
எங்களைப்பற்றி தனித்தன்மை பாதுகாப்பு தொடர்புகொள்ள வலைத்தள தொகுப்பு ஆலோசனைகள் வேலைவாய்ப்பு
Paper Ad Tariff Web Ad Tariff Terms & Conditions (E-paper)
காப்புரிமை 2024, © The Thanthi Trust Powered by Hocalwire
