உத்தரகாண்ட் பேரழிவு : 385 கிராமங்கள் ஆபத்தில் அவற்றை 10 கிலோ மீட்டர் நகர்த்த வேண்டும்

பித்தோராகர்: 

உத்தரகாண்ட் மாநிலம் சமோலி மாவட்டத்தில் இருந்த நந்தா தேவி பனிப்பாறை கடந்த 7-ந் தேதி உடைந்து அலெக்நந்தா, தாலிகங்கா ஆறுகளில் வெள்ளப்பெருக்கு ஏற்பட்டது. கரையோர மக்கள் வெள்ளத்தில் அடித்து செல்லப்பட்டனர். அங்கிருந்த அனல், நீர்மின் நிலையங்கள் பெருத்த சேதம் அடைந்தன. 

தபோவன் நீர்மின் நிலைய சுரங்கம், சேறு மற்றும் இடிபாடுகளால் மூடிக்கொண்டது. உள்ளே வேலை செய்து கொண்டிருந்த 25 முதல் 30 தொழிலாளர்கள் சிக்கிக்கொண்டனர். அவர்களையும், வெள்ளத்தில் அடித்துச் செல்லப்பட்டவர்களையும் மீட்கும் பணி, இன்று 7-வது நாளாக தொடர்ந்து நடைபெற்று வருகிறது. 

இதுவரை 38 பேர்களின் உயிரற்ற உடல்கள் மீட்கப்பட்டுள்ளன. இன்னும் 168 பேரை பற்றிய எந்த விவரமும் தெரியவில்லை. சேறுகளை அகற்றி அவர்களை மீட்கும் பணியில் ராணுவம், இந்தோ-திபெத் எல்லை பாதுகாப்பு படை, தேசிய பேரிடர் மீட்புப்படை, மாநில பேரிடர் மீட்புப்படை ஆகியவற்றை சேர்ந்த 450-க்கு மேற்பட்ட வீரர்கள் ஈடுபட்டுள்ளனர். 120 மீட்டர் தூரத்துக்கு இடிபாடுகளை அகற்றிவிட்டனர்.

நேற்று முன்தினம் சுரங்கத்தில் துளையிடும் பணியை தொடங்கினர். ஆனால், தாலிகங்கா ஆற்றில் திடீரென நீர்மட்டம் உயர்ந்ததால், மீட்புப்பணி தற்காலிகமாக நிறுத்தப்பட்டது. இருப்பினும், சிறிது நேரம் கழித்து மீட்புப்பணி தொடர்ந்தது.

இந்த மாநிலத்தில் 12 மாவட்டங்களில் பேரழிவு பாதிப்புக்குள்ளான பகுதிகளில்  அமைந்துள்ள 385 க்கும் மேற்பட்ட ஐந்து கிராமங்களை பாதுகாப்பான பகுதிகளுக்கு மாற்ற உத்தரகண்ட் முதல்வர் திரிவேந்திர சிங் ராவத்  ரூ.2.38 கோடிக்கு ஒப்புதல் அளித்துள்ளார். முந்தைய ஆய்வின்படி, இந்த முழு செயல்முறைக்கும் ரூ .10,000 கோடி செலவாகும்.

பித்தோராகர் மாவட்டத்தில் அதிகபட்சம் 129 கிராமங்களும், உத்தரகாஷியில் 62, சாமோலியில் 61, பாகேஸ்வரில் 42, தெஹ்ரியில் 33, பரிரியில் 26, ருத்ரபிரயாகில் 14, சம்பாவத்தில் 10, அல்மோராவில் 9, நைனிடாலில் 6 கிராமங்கள் உள்ளன. உதம் சிங் நகரில் ஒன்று என  ஆபத்தான் பகுதிகளில் அமைந்துள்ளன.

தெஹ்ரி, சாமோலி, உத்தரகாஷி மற்றும் பாகேஷ்வர் மாவட்டங்களில் உள்ள ஐந்து கிராமங்களை இடமாற்றம் செய்ய வியாழக்கிழமை உத்தரவு பிறப்பிக்கப்பட்டு, அதற்கான நிதி ஒப்புதல் அளிக்கப்பட்டது. வீடு நிர்மாணிப்பதற்கும், ‘கவுசலா’ மற்றும் இடமாற்றக் ஆணைக்கு இந்த நிதி ஒதுக்கப்பட்டது.

ரெய்னி மற்றும் தபோவனில் ஏற்பட்ட இயற்கை பேரழிவின் பின்னர் மாநிலத்தில் இடமாற்றம் தொடர்பான பிரச்சினை மீண்டும் வேகம் அடைந்துள்ளது. முன்னாள் முதல்வர் ஹரிஷ் ராவத் முதல்வர் திரிவேந்திர சிங் ராவத்தை சந்தித்து இதுபோன்ற கிராமங்களை பாதுகாப்பான இடங்களுக்கு மாற்றுமாறு வேண்டுகோள் விடுத்தார்.

ஜூலை 2020 இல், நிலச்சரிவில் முன்சியாரியில் உள்ள தாபா கிராமத்தின் ஆறு வீடுகள் மற்றும் விவசாய நிலங்கள் சேதமடைந்தன. உயிர் சேதம் எதுவும் ஏற்படவில்லை என்றாலும், 136 குடும்பங்களில் 52 பேர் பாதிக்கப்பட்டுள்ளனர்.