தேசிய செய்திகள்

புதுச்சேரியில் போட்டியிட்ட 5 தொகுதிகளிலும் அ.தி.மு.க. படுதோல்வி + "||" + The ADMK loss all the 5 constituencies contested in Pondicherry; The parties were shocked that not even a single seat was available

புதுச்சேரியில் போட்டியிட்ட 5 தொகுதிகளிலும் அ.தி.மு.க. படுதோல்வி

புதுச்சேரியில் போட்டியிட்ட 5 தொகுதிகளிலும் அ.தி.மு.க. படுதோல்வி
புதுச்சேரியில் போட்டியிட்ட 5 தொகுதிகளிலும் அ.தி.மு.க. தோல்வியை தழுவியது. ஒரு இடம் கூட கிடைக்காததால் கட்சியினர் அதிர்ச்சி அடைந்தனர்.
5 இடங்களில் போட்டி
புதுச்சேரி என்.ஆர்.காங்கிரஸ், பா.ஜ.க., அ.தி.மு.க. ஆகிய கட்சிகள் கூட்டணி அமைத்து தேர்தலை சந்தித்தன. இதில் அ.தி.மு.க.வுக்கு 5 தொகுதிகள் ஒதுக்கப்பட்டன.அந்த கட்சி சார்பில் அன்பழகன் (உப்பளம்), பாஸ்கர் (முதலியார்பேட்டை), வையாபுரி மணிகண்டன்(முத்தியால்பேட்டை), அசனா (காரைக்கால் தெற்கு), ஓம்சக்தி சேகர் (உருளையன்பேட்டை) ஆகியோர் போட்டியிட்டனர்.உப்பளம் தொகுதியில் தி.மு.க. வேட்பாளர் அனிபால் கென்னடி 13,227 வாக்குகள் பெற்றார். அன்பழகன் 8501 வாக்குகள் பெற்று 4,726 வாக்குகள் வித்தியாசத்தில் தோல்வி அடைந்தார்.முதலியார்பேட்டை 
தொகுதியில் தி.மு.க. வேட்பாளர் சம்பத் 14,785 வாக்கு கள் பெற்று வெற்றி பெற் றார். பாஸ்கர் 10,747 வாக்குகள் பெற்று 4,038 வாக்குகள் வித்தியாசத்தில் தோல்வியை தழுவினார்.முத்தியால்பேட்டை தொகுதியில் சுயேட்சை வேட்பாளர் பிரகா‌‌ஷ்குமார் 8,655 வாக்குகள் பெற்றார். வையாபுரி மணிகண்டன் 7,658 வாக்கு பெற்று 997 வாக்குகள் வித்தியாசத்தில் தோல்வி அடைந்தார்.

கட்சியில் உள்குத்து
இதேபோல் உருளையன்பேட்டை தொகுதியில் போட்டியிட்ட ஓம்சக்தி சேகர் கடந்த 3 சட்டமன்ற தேர்தல்களில் நெல்லித்தோப்பு தொகுதியில் போட்டியிட்டு 2 முறை வெற்றி பெற்றார். கடந்த 2016 தேர்தலில் தோல்வியடைந்தார். மீண்டும் நெல்லித்தோப்பு தொகுதியில் போட்டியிட தயாராகி வந்தார். ஆனால் அந்த தொகுதி கூட்டணி கட்சியான பா.ஜ.க.வுக்கு ஒதுக்கப்பட்டது. ஜான்குமார் மகன் 
போட்டியிடுவதற்கு வசதியாக கட்சிக்குள்ளேயே தனக்கு உள்குத்து வேலை செய்ததாக அப்போது ஓம்சக்தி சேகர் பகிரங்கமாக குற்றம்சாட்டினார்.ஆனாலும் வேறு வழியின்றி உருளையன்பேட்டை தொகுதியில் ஓம்சக்தி சேகர் போட்டியிட்டார். அந்த தொகுதியில் சுயேட்சை வேட்பாளரான நேரு 9,151 வாக்குகள் பெற்று வெற்றி பெற்றார். தி.மு.க. வேட்பாளர் கோபால் 7,178 வாக்குகள் பெற்று 2-வது இடமும், 1,681 வாக்குகள் பெற்று ஓம்சக்தி சேகர் 3-வது இடத்துக்கும் தள்ளப்பட்டனர்.

கட்சியினர் அதிர்ச்சி
காரைக்கால் தெற்கு தொகுதியில் தி.மு.க. சார்பில் போட்டியிட்ட நாஜிம் 17,042 வாக்குகள் பெற்று வெற்றி பெற்றார். அசனா 5,271 வாக்குகள் பெற்று 11,771 வாக்குகள் வித்தியாசத்தில் தோல்வியடைந்தார்.என்.ஆர்.காங்கிரஸ்-பா.ஜ.க. கூட்டணியில் 5 தொகுதிகளில் போட்டியிட்ட அ.தி.மு.க. ஒரு தொகுதியில் கூட வெற்றிபெறாமல் தோல்வி அடைந்து இருப்பது அந்த கட்சியினரிடையே அதிர்ச்சியை ஏற்படுத்தி உள்ளது.

தொடர்புடைய செய்திகள்

1. புதுச்சேரியில் ஆட்சியை பிடிப்பது யார்? தேர்தலுக்கு பிந்தைய தந்தி டி.வி. கருத்து கணிப்பு முடிவுகள்
புதுச்சேரியில் ஆட்சியை பிடிப்பது யார்? என்பது குறித்து தேர்தலுக்கு பிந்தைய கருத்து கணிப்பு முடிவுகளை தந்தி டி.வி. வெளியிட்டுள்ளது.
2. புதுவையில் தேர்தல் வெற்றி பேரணிக்கு தடை; ஊரடங்கு கட்டுப்பாடுகள் 3-ந்தேதி வரை நீட்டிப்பு; மதுக்கடைகளும் மூடப்படும்
புதுச்சேரியில் தேர்தல் வெற்றி பேரணிக்கு தடை விதிப்பதுடன், வருகிற 3-ந்தேதி வரை ஊரடங்கு கட்டுப்பாடுகள் நீட்டிக்கப்படும். மதுக்கடைகளும் மூடப்படும் என்று அரசு தெரிவித்துள்ளது.
3. புதுச்சேரியில் மே 3 வரை ஊரடங்கு நீட்டிக்கப்படுவதாக ஆட்சியர் பூர்வா கார்க் அறிவிப்பு
புதுச்சேரியில் தளர்வுகளுடன் கூடிய ஊரடங்கு மே 3 வரை நீட்டிக்கப்படுவதாக புதுச்சேரி ஆட்சியர் பூர்வா கார்க் அறிவித்துள்ளார்.
4. புதுச்சேரியில் தளர்வுகளுடன் கூடிய முழு ஊரடங்கு அமல்; வர்த்தக நிறுவனங்கள் மூடல்
கொரோனா தடுப்பு நடவடிக்கையாக புதுச்சேரியில் தளர்வுகளுடன் கூடிய முழு ஊரடங்கு அமல்படுத்தப்பட்டதால் வர்த்தக நிறுவனங்கள், மூடப்பட்டன. விதிகளை மீறியவர்களிடம் போலீசார் அபராதம் வசூலித்தனர்.
5. தமிழகத்தை தொடர்ந்து புதுச்சேரியிலும் பிளஸ் 2 தேர்வு ஒத்திவைப்பு - புதுச்சேரி அரசு அறிவிப்பு
தமிழகத்தை தொடர்ந்து புதுச்சேரியிலும் பிளஸ் 2 தேர்வு ஒத்திவைக்கப்பட்டுள்ளதாக புதுச்சேரி அரசு அறிவித்துள்ளது.