தேசிய செய்திகள்

பிரதமருக்கு புதிய இல்லம் கட்டுவதை விட்டு மக்கள் உயிரை காப்பாற்ற பணத்தை செலவிடுங்கள்; பிரியங்கா வலியுறுத்தல் + "||" + Spend money to save people’s lives instead of building a new home for the Prime Minister; Priyanka insists

பிரதமருக்கு புதிய இல்லம் கட்டுவதை விட்டு மக்கள் உயிரை காப்பாற்ற பணத்தை செலவிடுங்கள்; பிரியங்கா வலியுறுத்தல்

பிரதமருக்கு புதிய இல்லம் கட்டுவதை விட்டு மக்கள் உயிரை காப்பாற்ற பணத்தை செலவிடுங்கள்; பிரியங்கா வலியுறுத்தல்
டெல்லியில் பிரமாண்ட மத்திய செயலகம், நாடாளுமன்றத்துக்கு புதிய கட்டிடம், துணை ஜனாதிபதி, பிரதமர் ஆகியோருக்கு புதிய இல்லங்கள் ஆகியவை ரூ.13 ஆயிரத்து 450 கோடி செலவில் கட்டப்பட்டு வருகின்றன.
இதற்கு எதிர்க்கட்சிகள் எதிர்ப்பு தெரிவித்து வருகின்றன. பிரதமரின் புதிய இல்லம் கட்டுமான பணி, அடுத்த ஆண்டு டிசம்பர் மாதத்துக்குள் முடிவடையும் என்று மத்திய பொதுப்பணித்துறை நேற்று முன்தினம் தெரிவித்தது.

இந்தநிலையில், இதை சுட்டிக்காட்டி காங்கிரஸ் பொதுச்செயலாளர் பிரியங்கா நேற்று தனது ‘டுவிட்டர்’ பக்கத்தில் ஒரு பதிவு வெளியிட்டார். அதில் அவர் கூறியிருப்பதாவது:-

ஆக்சிஜன், தடுப்பூசிகள், மருந்துகள், படுக்கைகள் ஆகியவற்றுக்கு தட்டுப்பாடு காரணமாக மக்கள் தவித்து வருகின்றனர். இந்த நேரத்தில் பிரதமருக்கு ரூ.13 ஆயிரம் கோடி செலவில் புதிய இல்லம் கட்டுவதற்கு பதிலாக, எல்லா பணத்தையும் மக்கள் உயிரை காப்பாற்றுவதற்கு செலவிட்டால் நன்றாக இருக்கும். இதுபோன்ற கட்டுமான செலவுகள், மத்திய அரசு வேறு பணிகளுக்குத்தான் முன்னுரிமை அளிப்பதாக மக்களை எண்ண வைக்கும்.

இவ்வாறு அவர் கூறியுள்ளார்.

தொடர்புடைய செய்திகள்

1. கேரளாவில், கைவசம் இருந்த ஒரு தொகுதியையும் இழந்த பா.ஜனதா; ‘மெட்ரோமேன்’ ஸ்ரீதரன், நடிகர் சுரேஷ் கோபி போராடி தோல்வி
கேரளாவில், தனது கைவசம் இருந்த ஒரு தொகுதியையும் பா.ஜனதா இழந்தது. மெட்ரோமேன் ஸ்ரீதரன், நடிகர் சுரேஷ் கோபி ஆகியோர் எதிர்பார்ப்பை ஏற்படுத்தியபோதிலும், இறுதியில் தோல்வி அடைந்தனர்.
2. மக்கள் அரசியல் மாற்றத்தை விரும்புகிறார்கள்; மேற்கு வங்க தேர்தலில் பா.ஜனதா தோல்விக்கு பிரதமர் மோடி பொறுப்பேற்க வேண்டும்; சித்தராமையா வலியுறுத்தல்
மேற்கு வங்காளத்தில் பா.ஜனதா தோல்விக்கு பிரதமர் மோடி பொறுப்பேற்க வேண்டும் என்று சித்தராமையா வலியுறுத்தினார்.
3. நைட்ரஜன் ஆலைகளை ஆக்சிஜன் உற்பத்தி கூடமாக மாற்றுவது பற்றி பிரதமர் மோடி ஆலோசனை
நைட்ரஜன் ஆலைகளை ஆக்சிஜன் உற்பத்தி செய்யும் ஆலைகளாக மாற்றுவதில் ஏற்பட்டுள்ள முன்னேற்றம் குறித்து உயர் அதிகாரிகளுடன் பிரதமர் மோடி ஆலோசனை நடத்தினார்.
4. கும்பமேளாவில் புனித நீராடல்; பிரதமர் வேண்டுகோளை ஏற்று அமைதியாக நடந்தது
உத்தரகாண்ட் மாநிலம் ஹரித்துவாரில் நடைபெற்ற கும்ப மேளாவில் பவுணர்மி தினமான நேற்று கடைசி புனித நீராடலில் பக்தர்கள் ஈடுபட்டனர். கொரோனா கட்டுப்பாடுகள் காரணமாக குறைவான பக்தர்களே பங்கேற்றனர்.
5. பாகிஸ்தான் முன்னாள் பிரதமர் நவாஸ் ஷெரீப் சொத்துகள் ஏலம் விடப்படுமா? ஊழல் தடுப்பு கோர்ட்டில் மனு தாக்கல்
பாகிஸ்தான் முன்னாள் பிரதமர் நவாஸ் ஷெரீப்பின் சொத்துகளை ஏலம்விட வேண்டும் என்று கோரி ஊழல் தடுப்பு கோர்ட்டில் மனுதாக்கல் செய்யப்பட்டுள்ளது.