தேசிய செய்திகள்

யஷ்வந்தபுரம்-புதுச்சேரி இடையே வாராந்திர சிறப்பு ரெயில்கள் இயக்கம் - தென்மேற்கு ரெயில்வே தகவல் + "||" + Weekly Special Trains between Yeswantpur and Pondicherry Southwestern Railway Information

யஷ்வந்தபுரம்-புதுச்சேரி இடையே வாராந்திர சிறப்பு ரெயில்கள் இயக்கம் - தென்மேற்கு ரெயில்வே தகவல்

யஷ்வந்தபுரம்-புதுச்சேரி இடையே வாராந்திர சிறப்பு ரெயில்கள் இயக்கம் - தென்மேற்கு ரெயில்வே தகவல்
யஷ்வந்தபுரம்-புதுச்சேரி இடையே வாராந்திர சிறப்பு ரெயில்கள் இயக்கப்பட உள்ளதாக தென்மேற்கு ரெயில்வே கூறியுள்ளது.
பெங்களூரு,

யஷ்வந்தபுரம்-புதுச்சேரி இடையே இயக்கப்பட இருக்கும் வாராந்திர சிறப்பு ரெயில்கள் குறித்த அறிவிப்பு வெளியாகியுள்ளது. இது தொடர்பாக தென்மேற்கு ரெயில்வே வெளியிட்டு உள்ள செய்திக்குறிப்பில் கூறப்பட்டு இருப்பதாவது;-

“யஷ்வந்தபுரம்-புதுச்சேரி இடையே வருகிற 23-ந் தேதி முதல் வாரந்தோறும் வெள்ளிக்கிழமைகளில் மட்டும் ரெயில் (07393) இயங்க உள்ளது. மறுமார்க்கமாக 24-ந் தேதி முதல் வாரந்தோறும் சனிக்கிழமைகளில் மட்டும் புதுச்சேரி-யஷ்வந்தபுரம் இடையே ரெயில் (07394) இயங்குகிறது. இந்த ரெயில்கள் இருமார்க்கமாகவும் பானசாவடி, ஓசூர், தர்மபுரி, சேலம், ஆத்தூர், சின்ன சேலம், விருத்தாசலம், விழுப்புரம் ஆகிய ரெயில் நிலையங்களில் நின்று செல்லும்.

யஷ்வந்தபுரம்-எம்.ஜி.ஆர் சென்னை சென்டிரல் இடையே வருகிற 23-ந் தேதி முதல் வாரந்தோறும் வெள்ளிக்கிழமைகளில் மட்டும் ரெயில் (07387) இயக்கப்பட உள்ளது. மறுமார்க்கமாக 24-ந் தேதி முதல் வாரந்தோறும் சனிக்கிழமைகளில் மட்டும் ரெயில் (07388) இயங்க உள்ளது. இந்த ரெயில்கள் இருமார்க்கமாகவும் கே.ஆர்.புரம், பங்காருபேட்டை, ஜோலார்பேட்டை, அரக்கோணம், பெரம்பூர் ஆகிய ரெயில் நிலையங்களில் நின்று செல்லும்.”

இவ்வாறு அந்த செய்திக்குறிப்பில் கூறப்பட்டு உள்ளது.

தொடர்புடைய செய்திகள்

1. மீனவர்கள் மோதல்; புதுச்சேரியில் 3 கிராமங்களில் 144 தடை உத்தரவு
புதுச்சேரியில் சுருக்குமடி வலையை பயன்படுத்தியதால் இரு தரப்பினரிடையே மோதல் ஏற்பட்டதையடுத்து மூன்று கிராமங்களில் 144 தடை உத்தரவு அமல்படுத்தப்பட்டுள்ளது.
2. புதுவையில் பிரெஞ்சு காலத்தில் பயன்படுத்தப்பட்ட நீராவி எந்திரம், குடிநீர் குழாய்கள் பொதுமக்கள் பார்வைக்காக அர்ப்பணிப்பு
முத்திரையர்பாளையம் நீரேற்று நிலையத்தில் பிரெஞ்சு காலத்தில் பயன்படுத்தப்பட்ட நீராவி எந்திரம், குடிநீர் குழாய்கள் பொதுமக்கள் பார்வைக்காக அர்ப்பணிக்கப்பட்டது.
3. சிக்கமகளூரு-யஷ்வந்தபுரம் இடையே 9-ந் தேதி முதல் மீண்டும் ரெயில் இயக்கம்
16 மாதங்களுக்கு பிறகு சிக்கமகளூரு-யஷ்வந்தபுரம் இடையே 9-ந் தேதி முதல் மீண்டும் ரெயில் இயக்கப்பட உள்ளது.
4. ஒடிசாவில் சிக்கித் தவித்த புதுச்சேரியை சேர்ந்த 73 வயது முதியவர் மீட்பு; சமூக வலைதளத்தால் குடும்பத்துடன் இணைந்தார்
ஒடிசா மாநிலத்தில் சிக்கித்தவித்த புதுச்சேரியை சேர்ந்த 73 வயது முதியவரை போலீசார் மீட்டு குடும்பத்தினரிடம் ஒப்படைத்தனர்.
5. புதுச்சேரியில் இலாகா ஒதுக்காததால் நிர்வாகம் முடக்கம்: மக்கள் நலத்திட்டங்களை துரிதமாக செயல்படுத்துங்கள்: நாராயணசாமி
அமைச்சர்களுக்கு இன்னும் இலாகா ஒதுக்கீடு செய்யாததால் மாநில அரசின் நிர்வாகம் ஒட்டு மொத்தமாக முடங்கியுள்ளது. மக்களுக்கான நலத்திட்டங்களை துரிதமாக செயல்படுத்துங்கள் என்று அரசுக்கு நாராயணசாமி அறிவுறுத்தியுள்ளார்.