தேசிய செய்திகள்

குழந்தைகளுக்கான கொரோனா தடுப்பூசி சோதனை: 2-6 வயது குழந்தைகளுக்கு இரண்டாவது டோஸ் அடுத்த வாரம் வழங்கப்படும் + "||" + Covid-19 vaccine trial for children: Second dose to kids aged 2-6 years to be given next week

குழந்தைகளுக்கான கொரோனா தடுப்பூசி சோதனை: 2-6 வயது குழந்தைகளுக்கு இரண்டாவது டோஸ் அடுத்த வாரம் வழங்கப்படும்

குழந்தைகளுக்கான கொரோனா தடுப்பூசி சோதனை: 2-6 வயது குழந்தைகளுக்கு இரண்டாவது டோஸ் அடுத்த வாரம் வழங்கப்படும்
குழந்தைகளுக்கான கொரோனா தடுப்பூசி சோதனை: 2-6 வயது குழந்தைகளுக்கு இரண்டாவது டோஸ் அடுத்த வாரம் வழங்கப்படும் என தகவல் வெளியாகி உள்ளது.
புதுடெல்லி

கொரோனா தொற்றுநோய்க்கான மூன்றாவது அலைக்கு முன்னதாக இந்தியாவில் குழந்தைகளுக்கான கொரோனா  தடுப்பூசிக்கான சோதனைகள் நடந்து வருகின்றன. முன்னதாக, எய்ம்ஸ் இயக்குனர் டாக்டர் ரன்தீப் குலேரியா, குழந்தைகளுக்கான தடுப்பூசி செப்டம்பரில் கிடைக்கக்கூடும் என்று கூறி இருந்தார்.

18 வயதுக்குட்பட்ட குழந்தைகளுக்கான  தடுப்பூசிகளின் மருத்துவ பரிசோதனைகள் நிறைவடையும் நிலையில் இருப்பதாக டெல்லி ஐகோர்ட்டில்  மத்திய அரசு தெரிவித்து இருந்தது.

பாரத் பயோடெக்கின் கொரோனா  தடுப்பூசியின் இரண்டாவது டோஸ், 2-6 வயது குழந்தைகளுக்கான கோவாக்சின், அடுத்த வாரம் சோதனைகளில் பங்கேற்பவர்களுக்கு வழங்கப்படும் என்று தகவல்கள் வெளியாகி உள்ளன.

கோவாக்சின் இரண்டாவது டோஸ் ஏற்கனவே 6-12 வயதுக்குட்பட்ட குழந்தைகளுக்கு வழங்கப்பட்டுள்ளது என்று வட்டாரங்கள் தெரிவித்தன.

குழந்தைகளின் வயதுக்கு ஏற்ப பிரித்து  சோதனை நடத்தப்படுகிறது, இதில் ஒவ்வொரு பிரிவிலும் 175 குழந்தைகள் சேர்க்கப்பட்டுள்ளனர். தடுப்பூசியின் இரண்டாவது டோஸ் முடிந்த பிறகு, ஆகஸ்ட் இறுதிக்குள் இடைக்கால அறிக்கை கிடைக்கும் என எதிர்பார்க்கப்படுகிறது. தடுப்பூசி குழந்தைகளுக்கு எவ்வளவு பாதுகாப்பானது என்பதை இடைக்கால அறிக்கை தெளிவுபடுத்தும் என்று எதிர்பார்க்கப்படுகிறது.

புதுடெல்லியில் உள்ள அகில இந்திய மருத்துவ அறிவியல் கழகத்தில் (எய்ம்ஸ்) சோதனைகள் நடைபெற்று வருகின்றன.

பாரத் பயோடெக்கின் கோவாக்சின் மட்டுமல்ல, இந்திய மருந்து நிறுவனமான ஜைடஸ் காடிலாவின் குழந்தைகளுக்கான தடுப்பூசிக்கான சோதனைகளும் தற்போது  நடந்து வருகின்றன.

தொடர்புடைய செய்திகள்

1. ம.பி யில் 86% பேருக்கு கொரோனா தடுப்பூசி முதல் டோஸ் செலுத்தப்பட்டது...
ம.பி யில் 86% பேருக்கு கொரோனா தடுப்பூசி முதல் டோஸ் செலுத்தப்பட்டுள்ளதாக அம்மாநில முதல்-மந்திரி சிவராஜ் சிங் சவுகான் தெரிவித்துள்ளார்.
2. 3வது மெகா முகாமில் 24.85 லட்சம் பேருக்கு கொரோனா தடுப்பூசி
தமிழகத்தில் 3வது மெகா சிறப்பு கொரோனா தடுப்பூசி முகாமில் பங்கேற்ற 24.85 லட்சம் பேருக்கு தடுப்பூசி செலுத்தப்பட்டு உள்ளது.
3. நாடு முழுவதும் செலுத்திய கொரோனா தடுப்பூசி டோஸ்கள் 81.85 கோடி
இந்தியாவில் இதுவரை 81.85 கோடி கொரோனா தடுப்பூசி டோஸ்கள் செலுத்தப்பட்டு உள்ளன.
4. ‘நிகழ்ச்சி முடிந்து விட்டது’ தடுப்பூசி விவகாரம் குறித்து ராகுல் காந்தி விமர்சனம்
மோடி பிறந்த நாளையொட்டி செப்டம்பர் 17 ஆம் தேதி 2.5 கோடி பேருக்கு கொரோனா தடுப்பூசி செலுத்தி புதிய சாதனை படைக்கப்பட்டது.
5. ஒரே நாளில் 2.5 கோடி தடுப்பூசி போட்டதால் எதிர்க்கட்சிக்கு காய்ச்சல் வந்துவிட்டது; பிரதமர் மோடி கிண்டல்
ஒரே நாளில் 2.5 கோடி டோஸ் தடுப்பூசி போடப்பட்டதால் இங்கு ஒரு கட்சிக்கு (காங்கிரஸ்) நள்ளிரவில் காய்ச்சல் வந்து விட்டது என பிரதமர் மோடி மறைமுகமாக விமர்சித்தார்.