உ.பி. வன்முறை: விவசாயிகள் உட்பட 8 பேர் பலி

உத்தர பிரதேசம் லக்கிம்பூர் பகுதியில் விவசாயிகள் போரட்டத்தில் ஏற்பட்ட வன்முறையில் 8 பேர் உயிரிழந்ததாக போலீசார் தரப்பில் தெரிவிக்கப்பட்டுள்ளது.

மத்திய இணை மந்திரி அஜய் மிஸ்ராவின் மகன் மீது கொலை வழக்குப்பதிவு செய்து விசாரிக்கவும் கோரிக்கை வைக்கப்பட்டுள்ளது. சம்பவம் நடந்த இடத்தில் தனது மகன் இல்லை என்பதற்கான வீடியோ ஆதாரம் உள்ளது என மத்திய இணை மந்திரி அஜஸ் மிஸ்ரா தெரிவித்துள்ளார்.  மேலும் விவசாயிகள் போராட்டத்தில் நடந்த கல்வீச்சில்  பாஜகவை சேர்ந்த 4 பேர் உயிரிழந்ததாக அஜஸ் மிஸ்ரா தெரிவித்துள்ளார். 

மத்திய இணை மந்திரியின் மகன் மீது கொலை வழக்குப்பதிவு செய்து உச்சநீதிமன்ற மேற்பார்வையில் விசாரிக்க வலியுறுத்தப்பட்டுள்ளது. 

மத்திய மந்திரி அஜய் மிஸ்ராவின் மகன் துப்பாக்கியால் சுட்டதில் விவசாயி ஒருவர் உயிரிழந்தாக புகார் எழுந்துள்ளது. 

மத்திய மந்திரி இணை மந்திரி அஜய் மிஸ்ராவை உடனடியாக டிஸ்மிஸ் செய்யவும், அவரது மகனை கைது செய்யவும் விவசாயிகள் கோரிக்கைவிடுத்துள்ளனர். 

உத்தரபிரதேசத்தில் வன்முறை நிகழ்ந்த நிலையில் நாளை லக்கிம்பூர் செல்கிறார் காங்கிரசின் பிரியங்கா காந்தி.