<
கேரளாவில் நேற்றை விட இன்றைய கொரோனா பாதிப்பு 4 ஆயிரம் குறைவு; புதிதாக 22,524 பேருக்கு தொற்று..!
கடந்த 24 மணி நேரத்தில் 14 பேர் உயிரிழந்துள்ளனர்.
திருவனந்தபுரம்,
கேரளாவில் ஒரே நாளில் 22,524 பேருக்கு கொரோனா தொற்று உறுதி செய்யப்பட்டுள்ளது. இது நேற்றைய பாதிப்பை விட 4,205 குறைவு.
கடந்த 24 மணி நேரத்தில் அதிகபட்சமாக திருவனந்தபுரம் மாவட்டத்தில் 3,493 பேரும் எர்ணாகுளம் மாவட்டத்தில் 3,490 பேரும் புதிதாக கொரோனாவால் பாதிக்கப்பட்டுள்ளனர்.
கடந்த 24 மணி நேரத்தில் 78,682 மாதிரிகள் பரிசோதிக்கப்பட்டுள்ளன. நேற்றைய தினம் கொரோனாவால் பாதிக்கப்பட்ட 22 பேர் சிகிச்சை பலனின்றி உயிரிழந்த நிலையில், கடந்த 24 மணி நேரத்தில் 14 பேர் உயிரிழந்துள்ளனர். இதனால் கேரளாவில் கொரோனாவால் உயிரிழந்தோர் எண்ணிக்கை 59,115 ஆக அதிகரித்துள்ளது.
கடந்த 24 மணி நேரத்தில் மாநிலத்தில் கொரோனாவால் பாதிக்கப்பட்டு சிகிச்சை பெற்று வந்த 49,586 குணமடைந்தனர். இதன்மூலம், இதுவரை கொரோனாவில் இருந்து 59,32,609 பேர் குணமடைந்துள்ளனர்.
மாநிலத்தில் தொற்று பாதிப்பு விகிதம் 28.62 சதவிகிதமாக உள்ளது. கொரோனாவால் பாதிக்கப்பட்ட 9,384 பேர் மருத்துவமனைகளில் அனுமதிக்கப்பட்டு சிகிச்சை பெற்று வருகின்றனர்.
Related Tags :
Next Story
"Daily Thanthi" a prestigious product from The Thanthi Trust
எங்களைப்பற்றி தனித்தன்மை பாதுகாப்பு தொடர்புகொள்ள வலைத்தள தொகுப்பு ஆலோசனைகள் வேலைவாய்ப்பு
Paper Ad Tariff Web Ad Tariff Terms & Conditions (E-paper)
காப்புரிமை 2024, © The Thanthi Trust Powered by Hocalwire
