காஷ்மீர் பயங்கரவாதிகளிடம் ஆப்கானிஸ்தான் ஆயுதங்கள்: பாதுகாப்பு படையினர்

காஷ்மீரில் பாதுகாப்பு படையினரால் சுட்டு வீழ்த்தப்படும் பயங்கரவாதிகளிடம் இருந்து ஆயுதங்கள் பறிமுதல் செய்யப்படுகின்றன. அந்தவகையில் சமீபத்தில் அங்கு கைப்பற்றப்பட்ட ஆயுதங்கள் ஆப்கானிஸ்தானில் பயன்பாட்டில் இருந்தவை என பாதுகாப்பு படையினர் தெரிவித்து உள்ளனர்.

குறிப்பாக ஆப்கானிஸ்தானில் இருந்து கடந்த ஆகஸ்டு மாதம் அமெரிக்க படைகள் வெளியேறும் வரை பரவலாக இந்த ஆயுதங்கள் பயன்படுத்தப்பட்டு வந்ததாக ராணுவ அதிகாரி அஜய் சந்த்புரியா தெரிவித்தார். இரவிலும் பயன்படுத்தும் திறன்மிக்க தளவாடங்கள் உள்ளிட்ட இந்த ஆயுதங்கள் பாகிஸ்தான் வழியாக காஷ்மீருக்குள் கொண்டு வரப்பட்டு இருப்பதாக தெரிவித்த அஜய், ஆப்கானிஸ்தானில் இருந்து அமெரிக்க படைகள் வெளியேறிய பிறகு காஷ்மீரிலும் நிலைமை வேறுவிதமாக இருப்பதாக கூறினார்.

காஷ்மீரில் தற்போது சுமார் 200 பயங்கரவாதிகள் வரை இருப்பதாகவும், இதில் சுமார் 45 பேர் பாகிஸ்தானை சேர்ந்தவர்கள் எனவும் தகவல் கிடைத்திருப்பதாகவும் அஜய் சந்த்புரியா தெரிவித்தார். காஷ்மீருக்குள் நுழைவதற்காக சுமார் 100 முதல் 130 வரை பயங்கரவாதிகள் பாகிஸ்தானில் காத்திருப்பதாகவும், எல்லையில் இந்திய வீரர்களின் தீவிர கண்காணிப்பால் அவர்களால் காஷ்மீருக்குள் நுழைய முடியவில்லை எனவும் அவர் கூறினார்.