<
உ.பி 5வது கட்ட தேர்தல்: மதியம் 1 மணி நிலவரப்படி 34.83% வாக்குப்பதிவு
உத்தர பிரதேச சட்டசபைக்கான 5வது கட்ட தேர்தலில் இன்று மதியம் 1 மணி நிலவரப்படி 34.83% வாக்குகள் பதிவாகி உள்ளன.
லக்னோ,
உத்தரபிரதேசத்தில் 7 கட்டங்களாக சட்டசபை தேர்தல் நடத்தப்படும் என்று தேர்தல் ஆணையம் அறிவித்து இருந்தது. ஏற்கனவே 4 கட்ட தேர்தல் நடந்து முடிந்துள்ள நிலையில் அங்குள்ள 12 மாவட்டங்களில் உள்ள அயோத்தி, அமேதி உள்ளிட்ட 61 தொகுதிகளில் இன்று தேர்தல் நடந்து வருகிறது.
முன்னதாக இதற்கான பிரசாரம் நேற்று முன்தினத்துடன் முடிவடைந்தது. 2.24 கோடி வாக்காளர்கள் உள்ள சுல்தான்பூர், பிரயாக்ராஜ் உள்ளிட்ட மாவட்டங்களில் அமேதி, ரேபரேலி தொகுதிகள் காங்கிரஸ் ஆதிக்கம் செலுத்துபவை ஆகும். இன்று காலை 7 மணிக்கு தொடங்கி உள்ள வாக்குப்பதிவு மாலை 6 மணியுடன் முடிவடைகிறது.
5-வது கட்ட தேர்தலில் துணை முதல்-மந்திரி கேசவ் பிரசாத் மவுரியா உள்ளிட்ட பிரபலங்கள் களம் காண்கிறார்கள். இதனை முன்னிட்டு உத்தர பிரதேச சட்டசபை தேர்தலுக்கான 5வது கட்ட வாக்கு பதிவு இன்று காலை தொடங்கி நடந்து வருகிறது. வாக்காளர்கள் வரிசையில் நின்று தங்களது வாக்குகளை பதிவு செய்து வருகின்றனர்.
இன்று காலை 7 மணி முதல் 9 மணி வரையிலான முதல் 2 மணிநேர நிலவரப்படி, 8.02% வாக்குகள் பதிவாகி உள்ளன என்று தேர்தல் ஆணையம் தெரிவித்தது.
அதைத்தொடர்ந்து காலை 11 மணி வரையிலான அடுத்த 2 மணிநேர நிலவரப்படி 21.39% வாக்குகள் பதிவாகி உள்ளன. இதில், சித்ரகூட் மாவட்டத்தில் அதிக அளவாக 25.59% வாக்குகளும், பாரபங்கி மாவட்டத்தில் குறைந்த அளவாக 18.67% வாக்குகளும் பதிவானதாக தேர்தல் ஆணையம் தெரிவித்திருந்தது.
இந்நிலையில் உத்தர பிரதேச சட்டசபைக்கான 5வது கட்ட தேர்தலில் இன்று மதியம் 1 மணி நிலவரப்படி 34.83% வாக்குகள் பதிவாகி உள்ளதாக தேர்தல் ஆணையம் தெரிவித்துள்ளது.
தற்போது வாக்கு பதிவு அமைதியாக நடந்து வருகிறது. வாக்குகளை பெறுவதற்காக வன்முறையில் ஈடுபடும் நபர்கள் மீது கடுமையான நடவடிக்கை எடுக்கப்படும் என்றும், அவர்கள் மீது எப்.ஐ.ஆர். பதிவு செய்து, சிறைக்கு அனுப்பப்படுவார்கள் என்றும் எச்சரிக்கை விடுக்கப்பட்டுள்ளது.
அமேதியில் 35.93 சதவீத வாக்குகள் பதிவாகியுள்ளன
அயோத்தியில் 38.74 சதவீத வாக்குகள் பதிவாகியுள்ளன
பஹ்ரைச்சில் 37.25 சதவீத வாக்குகள் பதிவாகியுள்ளன
பாரபங்கியில் 36.23 சதவீத வாக்குகள் பதிவாகியுள்ளன
சித்ரகூடில் 39.08 சதவீத வாக்குகள் பதிவாகியுள்ளன
கோண்டாவில் 34.36 சதவீத வாக்குகள் பதிவாகியுள்ளன
கௌசாம்பியில் 37.23 சதவீத வாக்குகள் பதிவாகியுள்ளன
பிரதாப்கரில் 33.59 சதவீத வாக்குகள் பதிவாகியுள்ளன
பிரயாக்ராஜில் 30.30 சதவீத வாக்குகள் பதிவாகியுள்ளன
ரேபரேலியில் 33.64 சதவீத வாக்குகள் பதிவாகியுள்ளன
ஷ்ரவஸ்தியில் 36.50 சதவீத வாக்குகள் பதிவாகியுள்ளன
சுல்தான்பூரில் 34.85 சதவீத வாக்குகள் பதிவாகியுள்ளன.
Related Tags :
Next Story
"Daily Thanthi" a prestigious product from The Thanthi Trust
எங்களைப்பற்றி தனித்தன்மை பாதுகாப்பு தொடர்புகொள்ள வலைத்தள தொகுப்பு ஆலோசனைகள் வேலைவாய்ப்பு
Paper Ad Tariff Web Ad Tariff Terms & Conditions (E-paper)
காப்புரிமை 2024, © The Thanthi Trust Powered by Hocalwire
