<
ஐதராபாத்தில் இருந்து பஸ்சில் ரூ.5 கோடி தங்கம், வெள்ளி கடத்தல் - தமிழ்நாட்டை சேர்ந்த 5 பேர் கைது
Image Courtesy: ANI
ஐதராபாத்தில் இருந்து பஸ்சில் ரூ.5 கோடி தங்கம், வெள்ளி கடத்திய தமிழ்நாட்டை சேர்ந்த 5 பேர் கைது செய்யப்பட்டனர்.
கர்னூல்,
ஆந்திர மாநிலம் கர்னூல் மாவட்டம் பஞ்சலிங்கலா சோதனை சாவடியில் சிறப்பு அமலாக்கத்துறை அதிகாரிகள் வாகன சோதனையில் ஈடுபட்டனர். ஒரு தனியார் பஸ்சுக்குள் ஏறி சோதனையிட்டபோது, சூட்கேசுடன் பயணித்த 5 பேர் மீது சந்தேகம் ஏற்பட்டது.
சூட்கேசை சோதனையிட்டபோது, உள்ளே 8¼ கிலோ தங்க நகைகளும், 28½ கிலோ வெள்ளி செங்கற்களும், ரூ.90 லட்சம் ரொக்கமும் இருந்தன. தங்கம், வெள்ளியின் மதிப்பு ரூ.5 கோடி ஆகும்.
சூட்கேஸ் வைத்திருந்த 5 பேரும் கோவையில் உள்ள நகைக்கடைகளுக்கு ஒப்பந்த அடிப்படையில் தங்கம், வெள்ளியை வினியோகிக்க கொண்டு செல்வதாக தெரிவித்தனர். ஆனால் அவர்களிடம் உரிய ஆவணங்கள் இல்லை. இதையடுத்து, கடத்தலில் ஈடுபட்டதாக 5 பேரும் கைது செய்யப்பட்டனர்.
சேலத்தை சேர்ந்த தேவராஜ், கோவையை சேர்ந்த செல்வராஜ், குமார் வேலு, முருகேசன், வெங்கடேஷ் ஆகியோர் கைது செய்யப்பட்டவர்கள் ஆவர்.
Related Tags :
Next Story
"Daily Thanthi" a prestigious product from The Thanthi Trust
எங்களைப்பற்றி தனித்தன்மை பாதுகாப்பு தொடர்புகொள்ள வலைத்தள தொகுப்பு ஆலோசனைகள் வேலைவாய்ப்பு
Paper Ad Tariff Web Ad Tariff Terms & Conditions (E-paper)
காப்புரிமை 2024, © The Thanthi Trust Powered by Hocalwire
