<
பிரதமர் மோடியை பகவந்த் மான் வரும் 24-ம் தேதி சந்திக்க உள்ளதாக தகவல்
பிரதமர் மோடியை பஞ்சாப் முதல்-மந்திரி பகவந்த் மான் வரும் 24-ம் தேதி சந்திக்கவுள்ளதாக தகவல் வெளியாகி உள்ளது.
புதுடெல்லி,
பஞ்சாப் சட்டசபை தேர்தலில் அபாரமாக வெற்றிப் பெற்று காங்கிரஸ், பாஜகவை ஓரங்கட்டி ஆம் ஆத்மி முதல்முறையாக ஆட்சியைப் பிடித்தது. கடந்த 16-ம் தேதி சுதந்திர போராட்ட வீரர் பகத் சிங்கின் பூர்வீக கிராமமான கட்கர் கலனில் ஏற்பாடு செய்யப்பட்ட பிரமாண்ட விழாவில் பஞ்சாப் முதல்-மந்திரியாக பகவந்த் மான் பதவியேற்றார்.
இந்நிலையில், பஞ்சாப் முதல்-மந்திரி பகவந்த் மான் டெல்லியில் பிரதமர் நரேந்திர மோடியை வரும் 24-ம் தேதி சந்திக்கவுள்ளதாக தகவல் வெளியாகி உள்ளது.
பஞ்சாப் முதல்-மந்திரியாக பதவியேற்ற பிறகு பிரதமர் மோடியை பகவந்த் மான் முதல்முறையாக சந்திக்கவுள்ளார். இந்த சந்திப்பு வரும் வியாழக்கிழமை அன்று காலை 11 மணிக்கு நடைபெறும் என்றும் கூறப்பட்டுள்ளது.
இதுகுறித்து பஞ்சாப் முதல்-மந்திரி பகவந்த் மான் தனது டுவிட்டர் பக்கத்தில் கூறுகையில், " பஞ்சாப் முதல்-மந்திரியாகப் பதவியேற்ற பிறகு, மரியாதைக்குரிய சந்திப்பு மற்றும் பஞ்சாப் தொடர்பான பிரச்சினைகள் குறித்து விவாதிக்க பிரதமர் மற்றும் உள்துறை அமைச்சரிடம் நேரம் கேட்டுள்ளேன்" என்று குறிப்பிட்டிருந்தார்.
Related Tags :
Next Story
"Daily Thanthi" a prestigious product from The Thanthi Trust
எங்களைப்பற்றி தனித்தன்மை பாதுகாப்பு தொடர்புகொள்ள வலைத்தள தொகுப்பு ஆலோசனைகள் வேலைவாய்ப்பு
Paper Ad Tariff Web Ad Tariff Terms & Conditions (E-paper)
காப்புரிமை 2024, © The Thanthi Trust Powered by Hocalwire
