குஜராத் ரசாயன தொழிற்சாலை விபத்தில் உயிரிழந்தோரின் குடும்பத்தினருக்கு ரூ.2 லட்சம் நிவாரணம்; பிரதமர் மோடி அறிவிப்பு

புதுடெல்லி,

குஜராத் மாநிலம் பருச் பகுதியில் செயல்பட்டு வரும் இயற்கை ரசாயனம் உற்பத்தி செய்யும் தொழிற்சாலையில் இன்று அதிகாலை 3 மணியளவில் வெடி விபத்து  ஏற்பட்டது. இந்த வெடி விபத்தில் அந்த ஆலையில் பணியாற்றி வந்த 6 பணியாளர்கள் உயிரிழந்தனர்.

ஆலையில் உள்ள ரசாயன உலை திடீரென வெடித்து சிதறியது. இதன் காரணமாக தொழிற்சாலையில் தீப்பற்றிக் கொண்டது. வெடித்து சிதறிய உலையின் அருகில் பணியாற்றிக் கொண்டிருந்த 6 தொழிலாளர்களும் பரிதாபமாக  உயிரிழந்தனர். அவர்களுடைய உடல்கள் கண்டெடுக்கப்பட்டு பிரேத பரிசோதனைக்கு அனுப்பி வைக்கப்பட்டுள்ளது. தீ கட்டுக்குள் கொண்டு வரப்பட்டது என்று தெரிவிக்கப்பட்டது.