கேரளாவின் இளம் அரசியல் தம்பதிக்கு பெண் குழந்தை - டுவிட்டரில் குவியும் வாழ்த்து

திருவனந்தபுரம்,

நாட்டின் இளம் மேயரான ஆர்யா ராஜேந்திரனுக்கும், கேரள சட்டமன்றத்திலேயே இளம் எம்.எல்.ஏ.வாக உள்ள சச்சின் தேவ் என்பவருக்கும் கடந்த ஆண்டு செப்டம்பர் மாதம் திருமணம் நடைபெற்றது. இவர்களின் திருமணத்திற்கு கேரள முதல்-மந்திரி பினராயி விஜயன் உள்ளிட்ட அரசியல் தலைவர்கள் பலர் வாழ்த்து தெரிவித்திருந்தனர்.

இந்நிலையில் இந்த இளம் அரசியல் தம்பதிக்கு தற்போது பெண் குழந்தை பிறந்துள்ளது. இந்த தகவலை சச்சின் தேவ் தனது டுவிட்டர் பக்கத்தில் உறுதிப்படுத்தியுள்ளார். இதையடுத்து ஆர்யா-சச்சின் தம்பதிக்கு டுவிட்டரில் வாழ்த்துக்கள் குவிந்து வருகின்றன.