நடிகர் ஜெயராமுக்கு சிறந்த விவசாயி விருது

திருவனந்தபுரம்,

கேரள மாநில விவசாய துறை சார்பில் திருவனந்தபுரத்தில் விவசாய தின விழா நடைபெற்றது. விழாவில் சிறந்த விவசாயி என்ற விருதினை நடிகர் ஜெயராமுக்கு கேரள முதல்-மந்திரி பினராயி விஜயன் ஜெயராமை கௌரவித்தார்.

எர்ணாகுளம் அருகே பெரும்பாவூர் பகுதியில் ஆனந்த் பண்ணை என்ற பெயரில் 8 ஏக்கர் நிலத்தில், 10 ஆண்டுகளுக்கு மேலாக மாட்டு பண்ணையை நடத்தி வருகிறார். அறுபதுக்கும் மேற்பட்ட பசுக்களை தன் பண்ணையில் வளர்த்து வருகிறார். இவரது விவசாய பணிகளை பாராட்டி கேரள மாநில அரசு கவுரவித்துள்ளது.

பத்ம ஸ்ரீ விருதை விட விவசாயி விருது கிடைப்பதில் மகிழ்ச்சி அடைகிறேன் என நடிகர் ஜெயராம் கூறியுள்ளார்.