மத்திய நிதி மந்திரி நிர்மலா சீதாராமன் இன்று அமெரிக்கா பயணம்; உலக வங்கி தலைவரை சந்திக்கிறார்...!

புதுடெல்லி,

6 நாள் பயணமாக மத்திய நிதி மந்திரி நிர்மலா சீதாராமன் இன்று அமெரிக்காவுக்கு செல்கிறார். இந்த பயணத்தின் போது சர்வதேச நாணய நிதியத்தின் வருடாந்திர கூட்டம் மற்றும் உலக வங்கியின் வருடாந்திர கூட்டத்தில் நிர்மலா சீதாராமன் பங்கேற்கிறார்.

மேலும், சர்வதேச நாணய நிதியத்தின் நிர்காக இயக்குனர் கிறிஸ்டலினா மற்றும் உலக வங்கி தலைவர் டேவிட் மல்பாஸ் ஆகியோரை இந்திய நிதி மந்திரி நிர்மலா சீதாராமன் தனித்தனியே சந்தித்து பேசுகிறார்.

அதேபோல், அமெரிக்க நிதி மந்திரி ஜெனட் இலனையும் நிர்மலா சீதாராமன் சந்திக்கிறார். மேலும், ஜப்பான், தென் கொரியா, சவுதி அரேபியா, ஆஸ்திரேலியா, பூடான், நியூசிலாந்து, எகிப்து, ஜெர்மனி, மொரிஷியஸ், ஐக்கிய அரபு எமிரேட்ஸ், ஈரான் மற்றும் நெதர்லாந்து உள்ளிட்ட பல நாடுகளுடனான இருதரப்பு சந்திப்புகளிலும் நிதி மந்திரி பங்கேற்கிறார்.