அடுத்த ஐந்தாண்டுகளில் பெட்ரோல் தேவை இருக்காது -நிதின் கட்கரி நம்பிக்கை

மும்பை,

மத்திய சாலை போக்குவரத்து மற்றும் நெடுஞ்சாலை துறை மந்திரி நிதின் கட்காி பேசியதாவது:- முழு நம்பிக்கையுடன் கூற விரும்புகிறேன், இன்னும் 5 ஆண்டுகளில் பெட்ரோல் நாட்டில் இருந்து காணாமல் போய்விடும். உங்கள் ஸ்கூட்டர் அல்லது கார்கள் பசுமை ஹைட்ரஜன், எத்தனால், சி.என்.ஜி. அல்லது எல்.என்.ஜி. போன்ற பசுமை எரிபொருளில் தான் இயக்கப்படும்.

வேளாண் துறையில் அடுத்த 5 ஆண்டுகளில் 12 முதல் 20 சதவீதம் வளர்ச்சியை ஏற்படுத்தும் வகையில் உழைக்குமாறு வேளாண்மை ஆராய்ச்சியாளர்கள், நிபுணர்களை கேட்டு கொள்கிறேன். மராட்டியத்தில் உள்ள விவசாயிகள் மிகவும் திறமையானவர்கள். புதிய தொழில்நுட்பம், ஆராய்ச்சிகள் குறித்து அவர்களுக்கு வழிகாட்டுதல், பயிற்சி தேவைப்படுகிறது. இவ்வாறு அவர் பேசினார்.