குதிரையில் ஏற தயாரான மணமகன்... கழுத்தில் கிடந்த ரூ. 2 லட்சம் காசு மாலையை பறித்துக்கொண்டு ஓடிய 13 வயது சிறுவன்

டெல்லி,

தலைநகர் டெல்லியின் மயபுரியில் நேற்று இரவு ரிஸ்வான் கானுக்கு (வயது 27) பெண்ணுடன் திருமணம் நடைபெற்றது. திருமண நிகழ்ச்சியின் போது மணமகளின் சகோதரனான சர்பிராஸ் கான் தனது மைத்துனருக்கு 500 ரூபாய் நோட்டால் பண மாலை அணிவித்துள்ளார். 500 ரூபாய் நோட்டுகள் மொத்தம் 400ஐ கொண்டு மிகப்பெரிய காசு மாலை அணிவித்துள்ளார். அந்த காசு மாலையில் மொத்தம் 2 லட்ச ரூபாய் பணம் இருந்தது.

மணமகன் ரிஸ்வான் கான் காசு மாலையை தனது கழுத்தி அணிந்தபடி திருமண நிகழ்ச்சியில் பங்கேற்றிருந்தார். அப்போது, திருமண நிகழ்ச்சியின்போது மணமகன் குதிரையில் ஏறி செல்லும் தயாரானார்.

அப்போது, மணமகன் ரிஸ்வான் குதிரையில் ஏற தயாரான போது திருமண நிகழ்ச்சியில் பங்கேற்றிருந்த 13 வயது சிறுவன் மணமகனின் கழுத்தில் அணிந்திருந்த காசு மாலையை திடீரென பறித்துக்கொண்டு ஓடினார்.

இதனால் அதிர்ச்சியடைந்த மணமகனும் உறவினர்களும் காசு மாலையை பறித்துக்கொண்டு ஓடிய சிறுவனை துரத்திக்கொண்டு ஓடினர். ஆனால், 2 லட்ச ரூபாய் பணத்திலான காசு மாலையை சிறுவன் பறித்துக்கொண்டு ஓடிவிட்டார்.

இந்த சம்பவம் தொடர்பாக போலீசாரிடம் புகார் கொடுக்கப்பட்ட நிலையில் 500 ரூபாய் நோட்டுகள் 79-ஐ போலீசார் பறிமுதல் செய்தனர். எஞ்சிய 329 நோட்டுகள் 500 ரூபாய் காசு மாலையை போலீசார் தேடி வந்த நிலையில் காசு மாலையை பறித்துக்கொண்டு சென்ற சிறுவனை போலீசார் கைது செய்தனர்.