இடைக்கால பட்ஜெட்: இடம்பெற்ற முக்கிய அம்சங்கள்

 ஏழு லட்சம் வரையிலான தனிநபர் வருமானத்திற்கு வரி செலுத்த தேவையில்லை- நிதி மந்திரி நிர்மலா சீதாராமன்

வருமான வரி விகிதங்களில் எந்த மாற்றமும் இல்லை என்று நிதி மந்திரி நிர்மலா சீதாராமன் தனது பட்ஜெட் உரையில் தெரிவித்தார். 

வரி செலுத்துபவர்கள் எண்ணிக்கை இதுவரை இல்லாத அளவு உயர்ந்துள்ளது: வருமான வரி செலுத்தும் நடைமுறை தற்போது எளிமையாக்கப்பட்டுள்ளது. 2024-25 ஆம் நிதியாண்டில் நாட்டின் நிதிப் பற்றாக்குறை 5.1% கட்டுப்படுத்தப்படும் என்று நிதி மந்திரி நிர்மலா சீதாராமன் தனது பட்ஜெட் உரையில் கூறினார்.

40 ஆயிரம் சாதாரண ரெயில் பெட்டிகள் வந்தே பாரத் ரெயில் திட்ட பெட்டிகளாக மாற்றப்படும். இந்தியாவில் அந்நிய முதலீடுகள் 596 பில்லியன் டாலர்களாக உயர்ந்துள்ளது; லட்சத்தீவில் உள்கட்டமைப்புகளை வலுப்படுத்த நடவடிக்கை எடுக்கப்படும். 10 ஆண்டுகளில் கடல் உணவு ஏற்றுமதியில் இருமடங்கு வளர்ச்சி ஏற்பட்டுள்ளது. மின்சார வாகனங்கள் உற்பத்திக்கும் சார்ஜிங் மையங்கள் அமைக்கவும் ஊக்கம் தரப்படும்: நிதி மந்திரி நிர்மலா சீதாராமன்

இந்தியாவை வளர்ச்சி அடைந்த நாடாக மாற்ற அடுத்த 5 ஆண்டுகளில் மிகப்பெரிய நடவடிக்கைகள் எடுக்கப்படும். 1.1 கோடி இந்தியர்கள், திறன் இந்தியா திட்டத்தின் கீழ் பயன்பெற்றுள்ளனர். வளர்ச்சி அடைந்த இந்தியா என்ற கனவு 2027-ல் நனவாகும்: நிதி மந்திரி பட்ஜெட் உரை

சமூக நீதியே பா.ஜ.க. அரசின் பிரதான நோக்கம் -மத்திய நிதி மந்திரி நிர்மலா சீதாராமன்

பத்தாண்டுகளில் 25 கோடி பேர் வறுமையில் இருந்து மீட்கப்பட்டுள்ளனர். அனைவரையும் அரவணைக்கும் அரசாக மத்திய அரசு செயல்பட்டு வருகிறது. தேசியக் கல்விக்கொள்கை இந்திய கல்வி துறையில் பெரும் மாற்றங்களை கொண்டு வந்துள்ளது- நிர்மலா சீதாராமன் பட்ஜெட் உரை

எங்களின் வளர்ச்சி பணிகளுக்காக மக்கள் மீண்டும் எங்களை பெரும்பான்மையுடன் ஆட்சியில் அமர்த்துவார்கள் என்ற நம்பிக்கை உள்ளது. விவசாயிகள், ஏழைகள், பெண்கள் ஆகியோருக்கு பட்ஜெட்டில் முக்கியத்துவம் அளிக்கப்பட்டுள்ளது- நிர்மலா சீதாராமன்

இந்திய பொருளாதாரம் பெரும் பாய்ச்சலில் முன்னேறி வருகிது என்று மத்திய நிதி மந்திரி நிர்மலா சீதாராமன் தனது பட்ஜெட் உரையில் கூறினார்.