குண்டலுபேட்டையில் ஏரியில் தவறி விழுந்து பெண் சாவு

கொள்ளேகால்;

சாம்ராஜ்நகர் மாவட்டம் குண்டலுபேட்டை தாலுகா எடியூர் கிராமத்தை சேர்ந்தவர் புட்டம்மா. இவர் நேற்று முன்தினம் தெரக்கனாம்பி பகுதியில் உள்ள ஏரி பகுதியில் சென்று கொண்டிருந்தார்.

அப்போது எதிர்பாராதவிதமாக ஏரிக்குள் அவர் தவறி விழுந்தார். இதில் தண்ணீரில் மூழ்கி அவர் தத்தளித்தார். ஆனால் அந்தப்பகுதியில் யாரும் இல்லாததால், புட்டம்மா தண்ணீரில் மூழ்கி பரிதாபமாக உயிரிழந்தார்.

இதுபற்றி அறிந்ததும், போலீசார் தீயணைப்பு படையினர் உதவியுடன் புட்டம்மாவின் உடலை கைப்பற்றி பிரேத பரிசோதனைக்காக அனுப்பி வைத்தனர். இதுகுறித்து குண்டலுபேட்டை போலீசார் வழக்குப்பதிவு செய்து விசாரணை நடத்தி வருகிறார்கள்.